ଖଇରା,୨୦।୧୧(ଡି.ଏନ.ଏ.): ଦୁଇ ବନ ସଂରକ୍ଷକ ସନ୍ଦୀପ ତ୍ରିପାଠି ଓ ହରିଶଙ୍କର ଉପାଧ୍ୟାୟ ଏବଂ ବାଲେଶ୍ୱର ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ବୁଧବାର ଖଇରା ଓ କପ୍ତିପଦା ତହସିଲ ଅଧୀନ ଶାରିଶୁଆ ପାହାଡ଼ର ବିଭିନ୍ନ ଖଣି ପରିଦର୍ଶନ କର ଫେରିିଛନ୍ତି। କପିଳଝୁରୀ ବନ୍ଧନଟା ମୌଜାର ୬୦, ୮୮, ୫୭, ୧୦, ୭୦ ନମ୍ବର ସମେତ ମୋଟ୍ ୧୧ଟି ଖଣି ବୁଲି ସ୍ଥିତି ପରଖିଥିଲେ।
ଶାରୀଶୁଆ ପାହାଡରେ ଥିବା ୯୭ ଖଣି ମଧ୍ୟରୁ ମାତ୍ର ୫୦ଟି ବିଧିବଦ୍ଧ ଭାବେ ନିଲାମ ଦିଆଯାଇଥିବାଜଣାପଡିଥିଲା। ବାଦ ପଡିଥବବା ଅନ୍ୟ ୪୬ଟି ସ୍ଥାନରେ ଚୋରା କାରବାର ହେଉଥିବା ଦେଖି ବନସଂରକ୍ଷକମାନେ ଅସନ୍ତୋଷ ବ୍ୟକ୍ତ କରିଥିଲେ। ବନସଂରକ୍ଷକଙ୍କ ପରିଦର୍ଶନ ବେଳେ ବାରିପଦା ଡିଏଫ୍ଓ ସ୍ବୟଂ ମଲ୍ଲିକ, ବାଲେଶ୍ୱର ଡିଏଫ୍ଓ ବିଶ୍ୱରାଜ ପଣ୍ଡା, ଖଇରା ତହସିଲଦାର ପ୍ରଦୀପ କୁମାର ସାହୁ, କୁଲଡ଼ିହା ରେଞ୍ଜର ବିଜୟ ମହାପାତ୍ର ପ୍ରମୁଖ ଅଧିକାରୀ ଉପସ୍ଥିତ ଥିଲେ।
ଉଲ୍ଲେଖନୀୟ ଯେ, ପରିବେଶ ନିୟମ ଉଲ୍ଲଂଘନ କରାଯାଇ ଖଣି ନିଲାମ ଦିଆଯିବା ସଂକ୍ରାନ୍ତ ମାଲାରେ ଜାତୀୟ ଗ୍ରୀନ୍ ଟ୍ରିବ୍ୟୁନାଲ ଏଠାରେ ଖଣି ଖୋଳା ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି। ଆସନ୍ତା ୪ ତାରିଖ ସୁଦ୍ଧା ଆବଶ୍ୟକ କାଗଜପତ୍ର ପ୍ରଦାନ କରିବାକୁ ଟ୍ରିବ୍ୟୁନାଲ ପକ୍ଷରୁ ପ୍ରଶାସନକୁ କୁହାଯାଇଛି। ଏହି ପରିପ୍ରେକ୍ଷୀରେ ପ୍ରଶାସନିକ ଅଧିକାରୀଙ୍କ ଖଣି ଅଞ୍ଚଳ ପରିଦର୍ଶନ ଗୁରୁତ୍ୱ ରଖୁଛି।
