ଖୋର୍ଦ୍ଧା ଅଫିସ/ଯାଁଳା, ୧୮।୭(ଡି.ଏନ.ଏ.) : ଜଟଣୀ ଥାନା ଯାଁଳା ଫାଣ୍ଡି ଅନ୍ତର୍ଗତ ୧୬ ନଂ. ଜାତୀୟ ରାଜପଥର କେ.କେ. ପେଟ୍ରୋଲ ପମ୍ପ ନିକଟରେ ଗୁରୁବାର ରାତି ୮ଟାରେ ଲୁଟ୍ ବେଳେ ବାଇକ୍ରୁ ଦୁଇଜଣ ଲୁଟେରା ଖସି ପଡିଥିଲେ। ସେମାନେ ପଲସର ବାଇକ୍ (ନଂଓଡି୦୨ ଏଆର ୯୭୭୮) ଓ ଲୁଟ୍ ସାମଗ୍ରୀ ଛାଡି ଫେରାର ହୋଇଯାଇଛନ୍ତି। ଖବରପାଇ ପୋଲିସ ପହଞ୍ଚତ୍ ଲୁଟେରାଙ୍କ ବାଇକ୍ ଜବତ କରି ତଦନ୍ତ ଆରମ୍ଭ କରିଛି। ଅଭିଯୋଗ ଅନୁସାରେ, ପୁରୀ ଜିଲା ଗଡିଶାଗୋଦା ଥାନା ମଇନ୍ଦିପୁର ଗାଁର ପ୍ରଶାନ୍ତ ଦାସ ସ୍ତ୍ରୀ ସ୍ବାଗତିକାଙ୍କ ସହ ବାଇକ୍ (ନଂ. ଓଡି୦୨ଏ ଏକ୍ସ ୭୪୮୧) ଯୋଗେ ଭୁବନେଶ୍ୱରରୁ ଘରକୁ ଫେରୁଥିଲେ। ପଛପାଖରୁ ଏକ କଳାରଙ୍ଗର ପଲ୍ସରରେ ଦୁଇଜଣ ଦୁର୍ବୃତ୍ତ ପ୍ରଶାନ୍ତଙ୍କ ସ୍ତ୍ରୀଙ୍କ ହାତରୁ ଭ୍ୟାନିଟି ବ୍ୟାଗକୁ ଛଡାଇ ନେଇଥିଲେ। ତେବେ ବାଇକ୍ର ବେଗ ଦ୍ରୁତ ଥିବାରୁ ଭ୍ୟାନିଟ୍ ଛଡାଇବା ସମୟରେ ଲୁଟେରା ପଡିଯାଇଥିଲେ। ସେ ସମୟରେ ପ୍ରଶାନ୍ତ ଓ ସ୍ତ୍ରୀ ଚୋର ଚୋର ବୋଲି ଚିତ୍କାର କରିଥିଲେ। ସେମାନଙ୍କ ପାଟି ଶୁଣି ସ୍ଥାନୀୟ ଲୋକେ ପହଞ୍ଚତ୍ ଯିବାରୁ ଲୁଟେରା ଦ୍ୱୟ ଗହୀର ମଧ୍ୟକୁ ଅନ୍ଧାରରେ ଦୌଡି ପଳାଇ ଯାଇଥିଲେ।
