ନୂଆଦିଲ୍ଲୀ,୨୮।୪: କରୋନା ରୋକିବାକୁ ଏବେ ଲକ୍ଡାଉନ ଭଳି ପଦକ୍ଷେପ ନିଆଯାଇଛି। ସରକାର ଲକ୍ଡାଉନକୁ ମେ ମାସ ୩ ଯାଏ ଘୁଞ୍ଚାଇଛନ୍ତି। ବର୍ତ୍ତମାନ ଗରିବଙ୍କ ଜୀବନ ଜୀବିକା ଗଭୀର ଭାବେ ପ୍ରଭାବିତ ହୋଇଛି। ଲକ୍ଡାଉନ ଅବଧି ବଢିଲେ ଏହି ଲୋକଙ୍କ ସ୍ଥିତି ସଙ୍କଟାପନ୍ନ ହେବ ବୋଲି ରିଜର୍ଭ ବ୍ୟାଙ୍କର ପୂର୍ବତନ ଗଭର୍ନର ଡି.ସୁବାରାଓ କହିଛନ୍ତି। ସେହିଭଳି ଲକ୍ଡାଉନ ପରେ ଭାରତର ବିକାଶ ହାର ତ୍ୱରାନ୍ବିତ ହେବ ବୋଲି ସେ ଆଶାବାଦୀ ରହିଥିବା କହିଛନ୍ତି। ଏହି ସମୟରେ ଭାରତର ବିକାଶ ହାର ଅନ୍ୟ ଦେଶଗୁଡିକ ତୁଳନାରେ ଉନ୍ନତ ହେବ। ଲକ୍ଡାଉନ ଆଗରୁ ଦେଶର ଅଭିବୃଦ୍ଧି କ୍ଷତିଗ୍ରସ୍ତ ସ୍ତରରେ ରହିଛି। ଗତ ବର୍ଷ ଭାରତର ଅଭିବୃଦ୍ଧି ୫% ରହିବା ନେଇ ଅନୁମାନ କରାଯାଇଥିଲା। ଚଳିତ ବର୍ଷ ଅଭିବୃଦ୍ଧି ପ୍ରାୟ ୩୦ ବର୍ଷର ସର୍ବନିମ୍ନ ରହିବ ବୋଲି ଆକଳନ କରାଯାଇଛି। ଭାରତ ଗତ କିଛି ତ୍ରୈମାସ ଧରି ଚାପରେ ରହିଛି। ଗରିବ ଦେଶ ହୋଇଥିବାରୁ ଲକ୍ଡାଉନ ବଢ଼ିଲେ କୋଟି କୋଟି ଲୋକଙ୍କ ଜୀବନ ଜୀବିକା ଉପରେ ଏହା ପ୍ରତ୍ୟକ୍ଷ ପ୍ରଭାବ ପଡ଼ିବ। ଏହି ସମୟରେ ଗରିବଙ୍କ ଅସ୍ତିତ୍ୱ ଉପରେ ସଙ୍କଟ ସ୍ଥିତି ଜାରି ରହିବ ବୋଲି ସେ ମତ ଦେଇଛନ୍ତି।
