କେନ୍ଦୁଝର,୬ା୫(ସ୍ବ.ପ୍ର.) : କରୋନା ଲାଗି ରାଜ୍ୟରେ ଲକ୍ଡାଉନ୍ ଘୋଷଣା ହୋଇଥିଲେ ହେଁ ଶହ ଶହ ଲୋକ କେନ୍ଦୁଝର ଜିଲା ଦେଇ ଝାଡ଼ଖଣ୍ଡ, ବିହାର, ପଶ୍ଚିମବଙ୍ଗ, ଛତିଶଗଡ଼ ଆଦି ରାଜ୍ୟକୁ ସାଇକେଲରେ ଏବଂ ଚାଲିଚାଲି ଯିବାଆସିବା କରୁଛନ୍ତି। କେତେକଙ୍କୁ ଜିଲା ପ୍ରଶାସନ ଅଟକାଇ ସଙ୍ଗରୋଧ କେନ୍ଦ୍ରକୁ ପଠାଇବା ବ୍ୟବସ୍ଥା କରୁଥିଲେ ହେଁ ଅନେକ ମୁଖ୍ୟ ରାଜପଥରେ ପଳାଇବାରେ ସକ୍ଷମ ହେଉଛନ୍ତି। ଏଭଳି ବୁଧବାର ସକାଳେ କେତେକ ଶ୍ରମିକ ଚାଲିଚାଲି ଏନ୍ଏଚ୍ ୪୯ରେ ପଶ୍ଚିମବଙ୍ଗ ଅଭିମୁଖେ ଯାଉଥିବା ଦେଖିବାକୁ ମିଳିଥିଲା। ସେମାନେ ଛତିଶଗଡ଼ ରାଜ୍ୟରୁ ଆସିଥିବା କହିଛନ୍ତି। ଆହୁରି ଅନେକ ଲୋକ ଏଭଳି ଚାଲି ଚାଲି ଯାଉଥିବା ବେଳେ ରାସ୍ତାରେ କେହି ତାଙ୍କୁ ଅଟକାଉ ନ ଥିବା କହିଛନ୍ତି।
