ରାଜପଥରୁ କାଠ ବୋଝେଇ ଭ୍ୟାନ୍‌ ଜବତ
7:48 pmSeptember 12, 2019 / 43

ରୂପ୍‌ସା, ୧୨।୯(ଡି.ଏନ.ଏ.)-ବାଲେଶ୍ୱର ୬୦ନଂ. ଜାତୀୟ ରାଜପଥର ରୂପ୍‌ସା ଥାନା ନିକଟରୁ ବୁଧବାର ରାତିରେ ପୋଲିସ ଏକ ଚୋରା କାଠ ବୋଝେଇ ଭ୍ୟାନ୍‌ (ନଂ. ଡବ୍ଲ୍ୟୁବି-୧୧ଡି-୦୯୩୭) ଜବତ କରିଛି। ଗୁରୁବାର ପୋଲିସ କାଠ ଓ ଭ୍ୟାନକୁ ବନବିଭାଗକୁ ହସ୍ତାନ୍ତର କରିଛି। ଫରେଷ୍ଟର ବିବେକାନନ୍ଦ ଜେନା ତଦନ୍ତ ଆରମ୍ଭ କରିଛନ୍ତି। ପଶ୍ଚିମବଙ୍ଗ ଅଞ୍ଚଳର ଭ୍ୟାନ୍‌ର ଡ୍ରାଇଭର ଓ ହେଲପରଙ୍କୁ ଅଟକ ରଖାଯାଇଛି।
ଏହି ଭ୍ୟାନ୍‌ରେ ପଶ୍ଚିମବଙ୍ଗରୁ ୫୦ହଜାର ଟଙ୍କା ମୂଲ୍ୟର ନିଦ୍ରାବତୀ କାଠ ଖୋର୍ଦ୍ଧା ଯାଉଥିଲା। ରାତ୍ର ପାଟ୍ରୋଲିଂ ବେଳେ ରୂପ୍‌ସା ଥାନା ପୋଲିସ କାଠ ବୋଝେଇ ଭ୍ୟାନ୍‌କୁ ଜବତ କରି ଥାନାକୁ ନେଇଥିଲା।