ଭୁବନେଶ୍ୱର,୩୦।୮- ରାଜ୍ୟଗୋଷ୍ଠୀ କ୍ରୀଡ଼ା ସ୍ବର୍ଣ୍ଣ ପଦକ ବିଜେତା ରବିକୁବାର ମୋର ଆଦର୍ଶ ବୋଲି ସ୍ବତନ୍ତ୍ର ଭାବେ ପୁରସ୍କୃତ ହୋଇଥିବା ଯୁବ ଭାରୋତ୍ତୋଳକ ଭକ୍ତରାମ ଦେଷ୍ଟି କହିଛନ୍ତି। ୨୦୧୨ରେ ଖେଳିବା ଆରମ୍ଭ କରିଥିଲି। ଭଲ କୋଚ୍ ଥିଲେ ମଧ୍ୟ ମାଲକାନଗିରି ସ୍ପୋଟର୍ସ ହଷ୍ଟେଲରେ ସେଭଳି ସୁବିଧା ସୁଯୋଗ ନ ଥିଲା। ବ୍ରହ୍ମପୁର ଆସିବା ପରେ ସବୁ ପ୍ରକାର ସୁବିଧା ସୁଯୋଗ ମିଳିଛି। କମନଓ୍ବେଲ୍ଥରେ ଶେଷଥର ପାଇଁ ପଦକ ହାସଲ କରିଥିଲି। ପିଲାବେଳେ ଜିମ୍ ଯିବାବେଳେ ଭାରୋତ୍ତଳନ ସାମିଲ ହୋଇଥିଲି। ୪୯ ବର୍ଗରେ ଜାତୀୟସ୍ତରରେ ଜୁନିୟର ଓ ସିନିୟରସ୍ତରରେ ଭଲ ପ୍ରଦର୍ଶନ କରିବା ଲକ୍ଷ୍ୟ ରହିଛି। ଭବିଷ୍ୟତରେ ରବିକୁମାରଙ୍କ ଭଳି ଭାରୋତ୍ତୋଳକ ହେବି ବୋଲି ଭକ୍ତରାମ କହିଛନ୍ତି।
