ନୂଆଦିଲ୍ଲୀ,୧୯ା୫: ଭାରତକୁ କରୋନା ଭୂତାଣୁ ଆସିବା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ଭବତଃ ତାଙ୍କ କାର୍ଯ୍ୟକାଳର ସବୁଠୁ ବଡ଼ ଚ୍ୟାଲେଞ୍ଜର ସମ୍ମୁଖୀନ ହୋଇଥିଲେ। ସରକାର ବିରୋଧୀ ବିକ୍ଷୋଭ ଦେଶର ବିଭିନ୍ନ ଭାଗରେ ମୁଣ୍ଡ ଟେକିଥିଲା। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ଭାରତ ଗସ୍ତ ପୂର୍ବରୁ ରାଜଧାନୀ ଦିଲ୍ଲୀରେ ସାମ୍ପ୍ରଦାୟିକ ଦଙ୍ଗା ଦେଖାଦେଇଥିଲା। ଦେଶର ଅର୍ଥନୀତି ନିମ୍ନଗାମୀ ହେବା ସହ ନିଯୁକ୍ତି ହ୍ରାସ ପାଇଥିଲା। ଏହା ପରେ ସାରା ବିଶ୍ୱ କରୋନା ମହାମାରୀ କବଳରେ ପଡିବା ସହ ଭାରତର ଅର୍ଥନୀତିରେ ଅଧିକ ସଙ୍କଟ ଦେଖାଦେଲା। ତେବେ କୋଭିଡ୍-୧୯ ପାଇଁ ପ୍ରଧାନମନ୍ତ୍ରୀ ମୋଦିଙ୍କ ପ୍ରତି ଲୋକମାନଙ୍କ ସମର୍ଥନ ବୃଦ୍ଧି ପାଇଛି। ନିକଟରେ ହୋଇଥିବା ଜନମତ ସର୍ଭେରୁ ଜଣାପଡିଛି ଗତ କିଛି ମାସ ମଧ୍ୟରେ ମୋଦିଙ୍କ ଲୋକପ୍ରିୟତା ଯଥେଷ୍ଟ ବୃଦ୍ଧି ପାଇ ୮୦ରୁ ୯୦ ପ୍ରତିଶତରେ ପହଞ୍ଚତ୍ପାରିଛି। ଏପରିକି କୋଭିଡ୍-୧୯ ସଙ୍କଟର ମୁକାବିଲା କରିବାରେ ମୋଦି ଅନ୍ୟ ଦୁଇ ଲୋକପ୍ରିୟ ନେତା ଡୋନାଲ୍ଡ ଟ୍ରମ୍ପ୍ ଓ ଭ୍ଲାଡିମିର ପୁଟିନଙ୍କଠାରୁ ଆଗରେ ରହିଛନ୍ତି। ଭାରତ ଯଦି କରୋନା ସଙ୍କଟରୁ ମୁକ୍ତ ହୋଇଯାଏ ତେବେ ମୋଦିଙ୍କ ଲୋକପ୍ରିୟତା ଆହୁରି ସୁଦୃଢ଼ ହୋଇଯିବ ବୋଲି କେତେଜଣ ବିଶ୍ଳେଷକ ମତ ଦେଇଛନ୍ତି।
