ନୂଆଦିଲ୍ଲୀ,୧୮ା୪(ପି.ଟି.): ବାରାଣସୀରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ନିର୍ବାଚନ ଲଢ଼ିବା ପାଇଁ ଘୋଷଣା କରିଥିବା ଭୀମ ସେନା ମୁଖ୍ୟ ଚନ୍ଦ୍ରଶେଖର ଆଜାଦ୍ ଶେଷରେ ନିଜ ନିଷ୍ପତ୍ତି ବଦଳାଇଛନ୍ତି। ତାଙ୍କ ସଂଗଠନ ଏସ୍ପି-ବିଏସ୍ପି ମେଣ୍ଟକୁ ସମର୍ଥନ କରିବ। ଭାଜପାକୁ ପରାଜିତ କରିବାକୁ ହେଲେ ଦଳିତ ଭୋଟ ବିଭାଜିତ ନ ହୋଇ ମେଣ୍ଟକୁ ଯିବା ଉଚିତ। ସେଥିପାଇଁ ସେ ପ୍ରାର୍ଥୀ ହେବା ନିଷ୍ପତ୍ତିରୁ ଓହରିଗଲେ ବୋଲି ଆଜାଦ କହିଛନ୍ତି। ପୂର୍ବରୁ ବିଏସ୍ପି ସୁପ୍ରିମୋ ମାୟାବତୀ ଭୀମସେନା ମୁଖ୍ୟଙ୍କୁ ଭାଜପାର ଏଜେଣ୍ଟ କହିଥିଲେ। ତେବେ ବିଏସ୍ପି ଯଦି ବାରାଣସୀରୁ ସତୀଶ ଚନ୍ଦ୍ର ମିଶ୍ରଙ୍କୁ ପ୍ରାର୍ଥୀ କରେ ତେବେ ଭୀମସେନା ସମର୍ଥନ ଦେବ ବୋଲି ଆଜାଦ କହିଛନ୍ତି।
