ମିର୍ଜାପୁର,୨୩।୮: କେନ୍ଦ୍ର ସରକାର ଛାତ୍ରୀଛାତ୍ରଙ୍କ ପାଇଁ ବିଭିନ୍ନ ଯୋଜନାମାନ କରୁଛନ୍ତି। ହେଲେ ଯୋଜନା ସବୁ ବାଟ ହୁଡୁଛି। ଏହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ଉତ୍ତରପ୍ରଦେଶ ମିର୍ଜାପୁରର ଏକ ପ୍ରାଇମେରୀ ସ୍କୁଲରେ। ଉକ୍ତ ସ୍କୁଲରେ ୧୦୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ପଢ଼ୁଥିବା ବେଳେ ସେମାନଙ୍କୁ ମିଡ ଡେ ମିଲରେ ସୁଖା ରୁଟି ଓ ଲୁଣ ଦିଆଯାଉଥିବା ଦେଖିବାକୁ ମିଳିଛି। ଏହି ଘଟଣା ସର୍ବସମ୍ମୁଖକୁ ଆସିବା ପରେ ଜିଲାପାଳ କଡ଼ା କାର୍ଯ୍ୟାନୁଷ୍ଠାନ ନେଇଛନ୍ତି। ଏଭଳି ଅବବ୍ୟସ୍ଥା ଅଭିଯୋଗରେ ୨ଜଣ ଶିକ୍ଷକଙ୍କୁ ଜିଲାପାଳ ନିଲମ୍ବିତ କରିଥିବା ବେଳେ ସୁପରଭାଇଜରଙ୍କୁ ଜବାବ ତଲବ କରିଛନ୍ତି। ଅନ୍ୟପଟେ ଏହି ମାମଲାର ଯାଞ୍ଚ ପାଇଁ ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି। ଯୋଗୀ ସରକାର ପିଲାମାନଙ୍କର ମିଡ ଡେ ମିଲର ଖ୍ୟାଦ୍ୟ ତାଲିକା ପୂର୍ବରୁ ପ୍ରସ୍ତୃତ କରିଥିବା ବେଳେ ଏଭଳି ଘଟଣା ସମ୍ନାକୁ ଆସିବା ଏକ ଲଜ୍ଜ୍ୟାଜନକ ବୋଲି ଚର୍ଚ୍ଚା ହେଉଛି।
