ନୂଆଦିଲ୍ଲୀ,୧।୬: ଦେଶରେ ସୋମାବାର ଅନ୍ଲକ୍ ୧.୦ ଆରମ୍ଭ ହୋଇଛି। ପ୍ରଥମ ଦିନରୁ ହିଁ ସାଧାରଣ ଜନତାଙ୍କ ଉପରେ ପଡିଛି ମହଙ୍ଗା ମାଡ। ଦେଶର ଅଏଲ ମାର୍କେଟିଂ କମ୍ପାନୀ ବିନା ସବ୍ସିଡି ଗ୍ୟାସ ସିଲିଣ୍ଡରର ଦାମ ବୃଦ୍ଧି କରିଛନ୍ତି। ବିଭିନ୍ନ ରାଜ୍ୟରେ ଟ୍ୟାକ୍ସ ଅଲଗା ଥିବାରୁ ସେହି ହିସାବରେ ସିଲିଣ୍ଡରର ଦାମ ମଧ୍ୟ ଭିନ୍ନ ରହିବ ବୋଲି ଜଣାପଡିଛି। ତେବେ ମିଳିଥିବା ସୂଚନାରୁ ଜଣାପଡିଛି, ରାଜଧାନୀ ଦିଲ୍ଲୀରେ ୧୪.୨ କିଲୋଗ୍ରାମ ଗ୍ୟାସ ସିଲିଣ୍ଡରର ଦାମରେ ୧୧ଟଙ୍କା ୫୦ ପଇସା ବୃଦ୍ଧି ଘଟିବ। ଏହାପରେ ସେଠାରେ ଗୋଟିଏ ସିଲିଣ୍ଡରର ଦାମ ୫୯୩ ଟଙ୍କା ହେଉଥିବା ବେଳେ କୋଲକାତାରେ ଏହା ୫୮୪ ଟଙ୍କା ୫୦ ପଇସାରୁ ବଢି ୬୧୬ଟଙ୍କା ହେବ। ସେହିପରି ମୁମ୍ବାଇରେ ୫୯୦ଟଙ୍କା ୫୦ ପଇସାରେ ମିଳିବ ସିଲିଣ୍ଡର।
