ଆନନ୍ଦପୁର/ହାଟଡିହୀ,୯ା୪(ସୁଶାନ୍ତ କୁମାର ସାହୁ/ଶୁଭକାନ୍ତ ନାୟକ): କେନ୍ଦୁଝର ଜିଲା ଆନନ୍ଦପୁର ଥାନା ଅଧିନ ଜଣେ ଭିନ୍ନକ୍ଷମ ନାବାଳିକାଙ୍କୁ ବଳାତ୍କାର ଘଟଣା । ମୁର୍ଗାଗୋଠ ଗ୍ରାମର ସଂଖ୍ଯାଲଘୁ ସମ୍ପ୍ରଦାର ଜଣେ ଯୁବକଙ୍କୁ ବାନ୍ଧିଛି ପୋଲିସ । ଏସପିଙ୍କ ନିର୍ଦ୍ଦେଶ କ୍ରମେ ଆନନ୍ଦପୁର ଏସଡିପିଓ କମଳ କୁମାର ପଣ୍ଡାଙ୍କ ନେତୃତ୍ୱରେ ପୋଲିସର ଏକ ସ୍ୱତନ୍ତ୍ର ଟିମ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା । ଶେଷରେ ଅଭିଯୁକ୍ତ ବଳରାମ ହୋ ଓରଫ କାବୁ (୨୮ ବର୍ଷ)କୁ ପୋଲିସ ବାହାର ରାଜ୍ୟରୁ ଗୁରୁବାର ଗିରଫ କରିଥିବା ଏସଡିପିଓ କହିଛନ୍ତି ।
ଏସଡିପିଓଙ୍କ କହିବା ଅନୁସାରେ, ଅଭିଯୁକ୍ତ କିଛି ମାସ ପୂର୍ବରୁ ତାମିଲନାଡୁ ପଳାଇ ଥିଲା । ପୋଲିସ ଟିମ ବାହାର ରାଜ୍ୟକୁ ଯାଇ ଅଭିଯୁକ୍ତକୁ ଗିରଫ କରିଛି । ସୂଚନା ଯୋଗ୍ୟଯେ ପ୍ରାୟ ୪ମାସ ତଳେ ଗ୍ରାମର ଭିନ୍ନକ୍ଷମ ନାବାଳିକା ନିକଟସ୍ଥ ନାଳକୁ ଗାଧୋଇ ଯାଇଥିବା ସମୟରେ ଗାଁର ଜଣେ ଯୁବକ ତାଙ୍କୁ ବଳାତ୍କାର କରିଥିଲା । ହେଲେ ନାବାଳିକାଜଣକ ଭୟରେ କାହାକୁ କିଛି କହିନଥିଲେ । ନାବାଳିକା ଜଣଙ୍କ ଅସୁସ୍ଥ ହେବାରୁ ପରିବାର ଲୋକେ ତାଙ୍କୁ ଆନନ୍ଦପୁର ମେଡିକାଲ ନେଇଥିଲେ । ସେଠାରେ ସେ ଗର୍ଭବତୀ ଥିବା ଜଣା ପଡିବାପରେ ପୀଡିତା ଜଣଙ୍କ ପରିବାର ଲୋକଙ୍କୁ ଯୁବକଙ୍କ ନା କହିଥିଲେ । ଉତ୍ତ୍ୟକ୍ତ ଗ୍ରାମବାସୀ ସୋମବାର ଅଭିଯୁକ୍ତକୁ ଗିରଫ ଏବଂ ନ୍ୟାୟ ଦାବୀରେ ଏକତ୍ରୀତ ହୋଇ ଗାଁ ରେ ଥିବା ସଂଖ୍ଯଲଘୁ ସମ୍ପ୍ରଦାୟର ଧର୍ମପୀଠ ଠାରେ ବ୍ଯାପକ ଭଙ୍ଗାରୁଜା, ଜଳାପୋଡା କରିଥିଲେ ।
ଖବରପାଇ କେନ୍ଦୁଝର ଏସପି ନିତିନ କୁଶଲକର ଦାଗୁଡୁ, ଆନନ୍ଦପୁର ଏସଡପିଓ କମଳ କୁମାର ପଣ୍ଡାଙ୍କ ସମେତ ନନ୍ଦିପଦା, ସୋସୋ, ଘସିପୁରା, ରାମଚନ୍ଦ୍ରପୁର ଥାନା ଅଧିକାରୀ ଏବଂ ପୋଲିସ ଫୋର୍ସ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲେ । ଆନନ୍ଦପୁର ଥାନାରେ କେସ ନଂ ୯୬/୨୦୨୬ରେ ଏକ ମାମଲା ରୁଜୁ ହୋଇଥିଲା ।