ନୂଆଦିଲ୍ଲୀ,୧୭।୫ – କୋଭିଡ୍-୧୯ ବର୍ତ୍ତମାନ ସାରା ବିଶ୍ୱ ଅର୍ଥନୀତିକୁ ଦୋହଲାଇ ଦେଇଥିବା ବେଳେ ଭାରତ ଏବଂ କାନାଡା ମଧ୍ୟରେ ନିବେଶ ସୁଯୋଗ ନେଇ ଏକ ଓ୍ବେବିନାର ଅନୁଷ୍ଠିତ ହୋଇଯାଇଛି। ଇଣ୍ଡୋ-କାନାଡିଆନ ବିଜ୍ନେସ ଚାମ୍ବର ପକ୍ଷରୁ ଅନୁଷ୍ଠିତ ଏହି କାର୍ଯ୍ୟକ୍ରମରେ କୋଭିଡ୍ ପରେ କାନାଡା ଅର୍ଥ ବ୍ୟବସ୍ଥାରେ ସୁଯୋଗ ଉପରେ ଆଲୋଚନା ହୋଇଛି। କାନାଡାରେ ଅବସ୍ଥାପିତ ଭାରତୀୟ ରାଷ୍ଟ୍ରଦୂତ ଅଜୟ ବିଶାରିଆ ଏହି ଅବସରରେ କମ୍ପ୍ରିହେନ୍ସିଭ ଇକୋନୋମିକ ପାର୍ଟନରଶିପ ଏଗ୍ରିମେଣ୍ଟ( ସିଇପିଏ) ଉପରେ ଗୁରୁତ୍ୱାରୋପ କରିଥିଲେ। ବନ୍ଦେ ଭାରତ ମିଶନର ଦ୍ୱିତୀୟ ପର୍ଯ୍ୟାୟରେ ଭାରତୀୟଙ୍କୁ ଫେରାଇ ଆଣିବା ଉପରେ ମଧ୍ୟ ଏଠାରେ ଆଲୋଚନା କରାଯାଇଛି।
