କେନ୍ଦୁଝର,୧୩।୨(ସ୍ବ.ପ୍ର.): ଜାତୀୟ ଯୁବ ପ୍ରକଳ୍ପ ପକ୍ଷରୁ ଶାନ୍ତି ଓ ସଦ୍ଭାବନା ରକ୍ଷା ପାଇଁ ସାଇକେଲ ଯାତ୍ରାରେ ଆସି ଗୁରୁବାର କେନ୍ଦୁଝର ଜିଲାରେ ପହଞ୍ଚିଛନ୍ତି ଯୁବତୀ ଯୁବକ। ସ୍ଥାନୀୟ ଜିଲାପାଳଙ୍କ କାର୍ଯ୍ୟାଳୟ ପରିସରରେ ପୂର୍ବାହ୍ନରେ ସେମାନଙ୍କୁ ଫୁଲ, ଚନ୍ଦନ ଦେଇ ସ୍ବାଗତ ସମ୍ବର୍ଦ୍ଧନା କରାଯାଇଛି। ୫୪ଜଣ ଯୁବତୀ/ଯୁବକ ଏଥିରେ ସାମିଲ ହୋଇଥିବାବେଳେ ଏହି ଯାତ୍ରା ଭୁବନେଶ୍ୱରରୁ ଆରମ୍ଭ ହୋଇ ଭଦ୍ରକ, ବାଲେଶ୍ୱର ଦେଇ କେନ୍ଦୁଝରରେ ପହଞ୍ଚିଛି। ଓଡ଼ିଶାରେ ସାମ୍ପ୍ରଦାୟିକ ସଦ୍ଭାବନା ରକ୍ଷା ପାଇଁ ଏହି ସାଇକେଲ ଯାତ୍ରା ସମସ୍ତ ଜିଲା ପରିଭ୍ରମଣ କରୁଥିବା ବେଳେ ହିଂସାମୁକ୍ତ, ନିଶାମୁକ୍ତ ଓ ବେକାରୀମୁକ୍ତ ସମାଜ ଗଠନର ଆହ୍ବାନ ଦେବା ସହ ସଂଗୀତ, ନାଟକ ମାଧ୍ୟମରେ ସଚେତନତ କରୁଥିବା ସହ ସଂପାଦକ ବିକ୍ରମକେଶରୀ ମହାପାତ୍ର କହିଛନ୍ତି। ଏହି ଯାତ୍ରାରେ ବହୁ ସଂଖ୍ୟାରେ ଯୁବକମାନେ ଏକାଠି ହୋଇ ନିଜ ପକେଟ୍ରୁ ଟଙ୍କା ଖର୍ଚ୍ଚ କରି ସୁସ୍ଥ ସମାଜର ସ୍ବପ୍ନ ଓ ସଂକଳ୍ପ ନେଇ ୪୦ ବର୍ଷରୁ ଅଧିକ ଧରି କାମ କରିଆସୁଛନ୍ତି। ଭଦ୍ରକ, କନ୍ଧମାଳ ଏବଂ ଅନ୍ୟାନ୍ୟ ଅଞ୍ଚଳରେ ଶାନ୍ତି ପ୍ରତିଷ୍ଠା ପାଇଁ କାର୍ଯ୍ୟ କରାଯାଉଛି।
