ନୂଆଦିଲ୍ଲୀ,୫।୬: ବ୍ୟାଙ୍କଗୁଡ଼ିକରୁ ୯ ହଜାର କୋଟି ଟଙ୍କାର ଋଣ ଖିଲାପୀ ମାମଲାରେ ଜଡ଼ିତ ପଳାତକ ବ୍ୟବସାୟୀ ବିଜୟ ମାଲ୍ୟାଙ୍କୁ ଦେଶକୁ ଫେରାଇ ଆଣିବା ବିଳମ୍ବ ହେବ। ଏସ୍ବିଆଇ ଏବଂ ସରକାରଙ୍କ ପକ୍ଷରୁ ତାଙ୍କୁ ଫେରାଇ ଆଣିବାକୁ ପ୍ରୟାସ ହେଉଥିବା ବେଳେ ଏହି ପ୍ରକ୍ରିୟା ଶୀଘ୍ର ଶେଷ ହେବ ନାହିଁ ବୋଲି ଜଣାପଡ଼ିଛି। ଲଣ୍ଡନରେ ବିଭିନ୍ନ ଆଇନଗତ ମାମଲା ସମାଧାନ ହୋଇନାହିଁ। ଏହାର ସମାଧାନ ନ ହେଲା ଯାଏ ମାଲ୍ୟାଙ୍କୁ ସେଠାରୁ ଆଣିବା କଷ୍ଟକର ହେବ। ଏହି ମାମଲା ସହ ଜଡ଼ିତ ଜଣେ ବରିଷ୍ଠ ଅଧିକାରୀ ବିସ୍ତୃତ ଭାବେ କିଛି କହିନାହାନ୍ତି। ମାତ୍ର ମାମଲା କେବେ ଯାଏ ଚାଲିବ ସେ ନେଇ ମଧ୍ୟ କିଛି ସ୍ପଷ୍ଟ କରି ନାହାନ୍ତି। ମାମଲାଟି ଶୀଘ୍ର ଫଇସଲା ହୋଇଯାଉ ବୋଲି ସରକାର ଆଶାବାଦୀ ରହିଥିବା ଏହି ଅଧିକାରୀ ମତବ୍ୟକ୍ତ କରିଛନ୍ତି।
