ବିଦ୍ୟୁତ୍‌ ସଂସ୍ପର୍ଶରେ ଆସି ୫ ଗୋରୁ ମୃତ
4:16 pmJuly 6, 2019June 6, 2020 / 21

ପବିତ୍ରନଗର,୬।୭(ଡି.ଏନ୍‌.ଏ.): ଅନୁଗୋଳ ଜିଲା କଣିହାଁ ବ୍ଲକ ବିରୁ ପଞ୍ଚାୟତ ବୁଲାଝର ଗ୍ରାମରେ ବିଦ୍ୟୁତ୍‌ ସଂସ୍ପର୍ଶରେ ଆସି ୫ ଗୋରୁଙ୍କ ମୃତ୍ୟୁ ଘଟିଛି। ସମସ୍ତ ଗୋରୁ ଗ୍ରାମର ପରମାନନ୍ଦ ସାହୁଙ୍କର ହୋଇଥିବା ବେଳେ ଏଥିରେ ଗୋଟିଏ ବଳଦ ଓ ଅନ୍ୟ ଚାରୋଟି ଗାଈ ଥିବା ଜଣାପଡିଛି।
ପ୍ରକାଶ ଯେ, ଶନିବାର ସକାଳୁ ଗୋରୁଗୁଡିକ ଗୁହାଳ ବାହାରେ ଖୁଣ୍ଟରେ ବନ୍ଧା ହୋଇଥିଲେ। ନିକଟରେ ଥିବା ଏକ ସିମେଣ୍ଟ ବିଦ୍ୟୁତ୍‌ ଖୁଣ୍ଟ ସଂସ୍ପର୍ଶରେ ଗୋରୁଗୁଡିକ ଆସି ଛଟପଟ ହୋଇ ମୃତ୍ୟୁବରଣ କରିଛନ୍ତି। ବର୍ଷା ହେଉଥିବାରୁ କୌଣସି କାରଣରୁ ଖୁଣ୍ଟରେ ବିୁଦ୍ୟତ ଚାର୍ଜ ହୋଇଥିବାରୁ ଏଭଳି ଘଟଣା ଘଟିଥିବା ଅନୁମାନ କରାଯାଉଛି। ଖବର ପାଇ କଣିହାଁ ବ୍ଲକ ପ୍ରାଣୀଧନ ଚିକିତ୍ସକ କମଳ ଲୋଚନ ଦାସ ଘଟଣାସ୍ଥଳରେ ପହଞ୍ଚିଛନ୍ତି। କ୍ଷତିଗ୍ରସ୍ତଙ୍କୁ କ୍ଷତିପୂରଣ ପ୍ରଦାନ ନିମନ୍ତେ ଦାବି ହୋଇଛି।