ଭୁବନେଶ୍ୱର,୨୮।୧(ବ୍ୟୁରୋ): ବିଜେଡିର ସଂସଦୀୟ ଦଳର ବୈଠକ ମଙ୍ଗଳବାର ଅନୁଷ୍ଠିତ ହୋଇଯାଇଛି। ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ନବୀନ ନିବାସରେ ଅନୁଷ୍ଠିତ ଏହି ବୈଠକରେ ଚଳିତ ମାସ ୨୯ରେ ପାର୍ଲାମେଣ୍ଟର ବଜେଟ ଅଧିବେଶନବେଳେ ଉଭୟ ସଦନରେ ଦଳର ରଣନୀତି ନେଇ ଆଲୋଚନା ହୋଇଛି। ବୈଠକ ପରେ ବିଜେଡି ସଂସଦୀୟ ଦଳ ନେତା ପିନାକୀ ମିଶ୍ର କହିଛନ୍ତି, ଏଥର ଅଧିବେଶନରେ କୋଇଲା ରୟାଲ୍ଟି ବୃଦ୍ଧି, ମହାନଦୀ ସମସ୍ୟାର ସମାଧାନ, ପୋଲଭରମ ଭଳି ବିଭିନ୍ନ ପ୍ରସଙ୍ଗରେ ରାଜ୍ୟର ପୂର୍ବରୁ ଯେଉଁ ଦାବି ରହିଥିଲା ତାହା ପୁଣି ଉତ୍ଥାପନ କରାଯିବ। ବିଶେଷ କରି ଜିଏସଟି ଲାଗୁ ହେବା ଦ୍ୱାରା ରାଜ୍ୟର ଯେଉଁ ରାଜସ୍ବ କ୍ଷତି ଘଟିଛି ତାହା କିପରି ଭରଣା କରାଯିବ ଏବଂ ଏନ୍ପିଆର ନେଇ ମଧ୍ୟ ଆଲୋଚନା କରାଯିବ ବୋଲି ପିନାକୀ କହିଛନ୍ତି।
