ମହାକାଳପଡ଼ା, ୨୭।୪ (ଡି.ଏନ୍.ଏ.)-ଓଡ଼ିଶାରେ କରୋନା ସଂକ୍ରମିତଙ୍କ ସଂଖ୍ୟା ଇତିମଧ୍ୟରେ ୧୧୦ରେ ପହଞ୍ଚତ୍ଛି। ଏବେ ଯାଜପୁର, ଭଦ୍ରକ ଓ ବାଲେଶ୍ୱର ଜିଲା କରୋନା ହଟ୍ସ୍ପଟ୍ ରହିଥିବା ବେଳେ ସଂକ୍ରମିତଙ୍କ ମଧ୍ୟରେ ଅଧିକାଂଶ ଫଶ୍ଚିମବଙ୍ଗ ଫେରନ୍ତା ବୋଲି ଜଣାପଡ଼ିଛି। ଏହାପରେ ରାଜ୍ୟର ବିଭିନ୍ନ ସାମୁଦ୍ରିକ ପଥରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ଜମ୍ବୁ ଓ ତନ୍ତିଆପାଳ ସାମୁଦ୍ରିକ ଥାନା ପକ୍ଷରୁ ସମୁଦ୍ର ପଥରେ ପାଟ୍ରୋଲିଂ କଡ଼ାକ କଡ଼ି କରାଯାଇଥିବା ଉଭୟ ଥାନା ଅଧିକାରୀ ସୂଚନା ଦେଇଛନ୍ତି।
ସୂଚନାଯୋଗ୍ୟ, ମହାକାଳପଡ଼ା ବ୍ଲକର ବତୀଘର, ଖରି ନାସି , ରାମନଗର, ଜମ୍ବୁ, ସୁନିତି, ନାଞ୍ଜୁରା, ବଉଳ କଣି, ପେଟ୍ଚ୍ଛେଲା, ଆଦି ପଞ୍ଚାୟତରେ ବହୁ ବଙ୍ଗୀୟ ଭାଷାଭାଷୀ ବସବାସ କରୁଛନ୍ତି। ତେବେ ପଶ୍ଚିମବଙ୍ଗ ଲୋକମାନେ ମାଛଧରା ଡଙ୍ଗାରେ ଏଠାକାର ଲୋକଙ୍କ ଘରକୁ ଆସିବାର ଅଶଙ୍କା ରହିଥିବାରୁ ପାଟ୍ରୋଲିଂ କଡ଼ା କଡ଼ି କରାଯାଇଥିବା ସୂଚନା ମିଳିଛି। ଅପରପକ୍ଷେ କୌଣସି ସନ୍ଦିଗ୍ଧ ଲୋକଙ୍କୁ ସମୁଦ୍ର ପଥରେ ଦେଖିଲେ ତୁରନ୍ତ ସ୍ଥାନୀୟ ପୋଲିସକୁ ଜଣାଇବାକୁ ଅନୁରୋଧ କରାଯାଇଛି। ହାଇସ୍ପିଡ ବୋଟ ଯୋଗେ ଜମ୍ବୁ ମେରାଇନ ଥାନା ପକ୍ଷରୁ ସତନ୍ତ୍ର ଟିମ୍ ବଙ୍ଗୋସାଗରରେ ପେଟ୍ରୋଲଂ କରୁଥିବା ଥାନା ଅଧିକାରୀ ରାମ କୁମାର ମୁର୍ମୁ ସୂଚନା ଦେଇଛନ୍ତି। ତନ୍ତିଆପାଳ ମେରାଇନ ଥାନାର ବୋଟ ନ ଥିବାରୁ ନିକଟସ୍ଥ ନଦୀ ଓ ସମୁଦ୍ର କୂଳରେ ବସବାସ କରୁଥିବା ଲୋକଙ୍କ ଉପରେ ନଜର ରଖାଯଇଥିବା ଥାନା ଅଧିକାରୀ ଜ୍ୟୋତିରଞ୍ଜନ ସ୍ବାଇଁ ସୂଚନା ଦେଇଛନ୍ତି। ଏ ସମ୍ପର୍କରେ କେନ୍ଦ୍ରାପଡ଼ା ଏସ୍ପି ନୀତି ଶେଖର କହିଛନ୍ତି, ସମୁଦ୍ର ପଥରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିବାକୁ ଜିଲାର ସମସ୍ତ ମେରାଇନ ଥାନାକୁ କୁହାଯାଇଛି ବୋଲି କହିଛନ୍ତି।
