ଯୋଡ଼ା,୧୮।୩(ଡି.ଏନ.ଏ.): କେନ୍ଦୁଝର ଜିଲା ଯୋଡ଼ା ସହରର କମାରଯୋଡ଼ା ଠାରେ ହୋଇଥିବା ଚୋରି ଘଟଣାର ଜଣେ ଅଭିଯୁକ୍ତଙ୍କୁ ଯୋଡ଼ା ପୋଲିସ ବୁଧବାର ଗିରଫ କରିଛି। ଅଭିଯୁକ୍ତ ହେଲେ ଯୋଡ଼ା ମଙ୍ଗଳା ମନ୍ଦିର ନିକଟରେ ରହୁଥିବା ଟେପେ କାରୁଆ ା ପୋଲିସ ସୂଚନା ଅନୁଯାୟୀ, ଗତ ୧୭ ତାରିଖରେ ଦୁଇ ଅଭିଯୁକ୍ତ କମାରଯୋଡ଼ାରେ ଭଡ଼ାରେ ରହୁଥିବା ଆବିଦ ହୁସେନଙ୍କ ଘରେ ପଶି ନଗଦ ୧୧ଶହ ଟଙ୍କା ଓ ମୋବାଇଲ ଚୋରି ହୋଇଥିବା ନେଇ ଅଭିଯୋଗ ହୋଇଥିଲା। ଏହି ଘଟଣାରେ ପୋଲିସ ପୂର୍ବରୁ ମଙ୍ଗଳା ମନ୍ଦିର ଅଞ୍ଚଳର ପୂର୍ଣ୍ଣଚନ୍ଦ୍ର ମୁଣ୍ଡାଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ଗିରଫ ଅଭିଯୁକ୍ତ ଟେପେ କାରୁଆ ଦୀର୍ଘ ଦିନରୁ ଫେରାର ଥିଲା। ପୋଲିସ ମଙ୍ଗଳବାର ବିଳମ୍ବିତ ରାତିରେ ଚଢାଉ କରି ଅଭିଯୁକ୍ତ ଟେପେଙ୍କୁ ଗିରଫ କରିଥିବା ଯୋଡ଼ା ଆଇଆଇସି ରାଇସେନ ମୂର୍ମୂ ସୂଚନା ଦେଇଛନ୍ତି।
