ଫାଇବର, ଭିଟାମିନ୍ ଓ ମିନେରାଲ୍ସରେ ଭରପୁର ଥିବା ଅଖରୋଟ କେବଳ ମସ୍ତିଷ୍କ ଓ ସ୍ମୃତି ଶକ୍ତି ପାଇଁ ଲାଭଦାୟକ ନୁହେଁ ବରଂ ସୁସ୍ଥ ଶରୀର ପାଇଁ ମଧ୍ୟ ଉତ୍ତମ ହୋଇଥାଏ। କାରଣ ଏଥିରେ ପ୍ରୋଟିନ୍, କ୍ୟାଲସିୟମ୍, ମ୍ୟାଗ୍ନେସିୟମ୍, ଆଇରନ, ଫସ୍ଫରସ୍, କପର, ସେଲେନିୟମ୍ ଓ ଓମେଗା-୩ ଫ୍ୟାଟି ଏସିଡ୍ ଭଳି କେତେକ ପୋଷକ ତତ୍ତ୍ୱ ଭରି ରହିଛି। ନିଜର ଏହି ଗୁଣ ପାଇଁ ଏହାକୁ ଡ୍ରାଏ ଫ୍ରୁଟ୍ସର ‘ରାଜା’ ବୋଲି ମଧ୍ୟ କୁହାଯାଏ।
* ଅଖରୋଟକୁ କଞ୍ଚା ଖାଇବା ପରିବର୍ତ୍ତେ ଭିଜାଇ ଖାଇଲେ ବହୁ ଲାଭ ମିଳିଥାଏ। ଏଥିପାଇଁ ରାତିରେ ୨ଟି ଅଖରୋଟକୁ ଭିଜାଇ ରଖିଦିଅନ୍ତୁ ଏବଂ ସକାଳେ ଖାଲି ପେଟରେ ଖାଆନ୍ତୁ। ଏଭଳି କରିବା ଦ୍ୱାରା ବିଭିନ୍ନ ପ୍ରକାରର ରୋଗ ସମସ୍ୟାରୁ ଉପଶମ ମିଳିଥାଏ।
* ସେହିପରି ବ୍ଲଡ ସୁଗାର ଓ ଡାଇବେଟିଜ୍ରୁ ମୁକ୍ତି ଚାହୁଁଥିଲେ ଭିଜା ଅଖରୋଟ ଖାଆନ୍ତୁ। ପ୍ରତିଦିନ ୨ରୁ ୩ଟି ଅଖରୋଟ ଖାଇଲେ ଟାଇପ୍-୨ ଡାଇବେଟିଜ୍ ହେବାର ଆଶଙ୍କା କମ୍ ରହିଥାଏ। ଏହା ବ୍ଲଡ ସୁଗାର ଲେବୁଲକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ। ଯାହାଦ୍ୱାରା ଡାଇବେଟିଜ୍ ହେବାର ସମ୍ଭାବନା କମ୍ ହୋଇଥାଏ।
* ଅଖରୋଟରେ ଫାଇବର ମାତ୍ରା ଭରପୁର ରହୁଥିବାରୁ ଏହା ପାଚନ କ୍ରିୟାକୁ ତ୍ୱରାନିତ କରିଥାଏ। * ଏହା ହାଡ଼ ଓ ଦାନ୍ତକୁ ମଧ୍ୟ ମଜଭୁତ କରିଥାଏ। କାରଣ ଏଥିରେ ଥିବା ଅଲ୍ଫା-ଲିନୋଲେନିକ୍ ଏସିଡ୍ ହାଡ଼କୁ ଶକ୍ତ କରିବାରେ ସାହଯ୍ୟ କରିଥାଏ।
* ଅଖୋରଟରେ ପ୍ରଚୁର ମାତ୍ରାରେ ଓମେଗା-୩ ଫ୍ୟାଟି ଏସିଡ୍ ରହିଥିବାରୁ ଏହା ହୃତ୍ପିଣ୍ଡକୁ ସୁସ୍ଥ ରଖିଥାଏ। କାରଣ ଓମେଗା-୩ ଫ୍ୟାଟି ଏସିଡ୍ ଶରୀରରେ ଖରାପ କୋଲେଷ୍ଟରଲ୍କୁ କମ୍ କରି ଭଲ କୋଲେଷ୍ଟରଲ୍ ନିର୍ମାଣ କରିଥାଏ। ଯାହା ହୃତ୍ପିଣ୍ଡ ପାଇଁ ଭଲ। କେତେକ ଗବେଷଣାରୁ ଜଣାପଡ଼ିଛି ଯେ, ଉଚ୍ଚ ରକ୍ତ ଚାପ ସମସ୍ୟା ଥିବା ବ୍ୟକ୍ତିଙ୍କ ପାଇଁ ଅଖରୋଟ ରାମବାଣ ପରି କାମ କରିଥାଏ।
*ସେହିଭଳି ଗର୍ଭାବସ୍ଥାରେ ମଧ୍ୟ ଅଖରୋଟ ଖାଇଲେ ବହୁ ଲାଭଦାୟକ ହୋଇଥାଏ। ଏହା ମା’ ଓ ପିଲା ପାଇଁ ଭଲ ସ୍ବାସ୍ଥ୍ୟ ପାଇଁ ଭଲ ହୋଇଥାଏ। କାରଣ ଏଥିରେ ଥିବା ଓମେଗା-୩ ଫ୍ୟାଟି ଏସିଡ୍ ଗର୍ଭରେ ବଢ଼ୁଥିବା ପିଲାର ଜ୍ଞାନକୁ ବିକାଶ କରିବାରେ ସହାୟକ ହୋଇଥାଏ।
* ଏଥିରେ ପ୍ରଚୁର ମାତ୍ରାରେ ଆଣ୍ଟିଅକ୍ସିଡାଣ୍ଟ ରହିଥିବାରୁ ଏହା ରୋଗ ପ୍ରତିରୋଧକ କ୍ଷମତାକୁ ବୃଦ୍ଧି କରାଇଥାଏ। ତେଣୁ ସୁସ୍ଥ ରହିବା ପାଇଁ ପ୍ରତିଦିନ ନିଜ ଡାଏଟ୍ ପ୍ଲାନରେ ଏହାକୁ ସାମିଲ କରନ୍ତୁ।
* ପ୍ରତିଦିନ ଭିଜା ଅଖରୋଟ ଖାଇଲେ ମାନସିକ ଚାପ କମ୍ ହେବା ସହ ସୁନିଦ୍ରା ଆସିଥାଏ। କାରଣ ଏଥିରେ ଥିବା ମେଲାଟୋନିନ୍ ସୁନିଦ୍ରା ଆଣିଥାଏ। ଏଥିସହ ଏଥିରେ ଥିବା ଓମେଗା-୩ ଫ୍ୟାଟି ଏସିଡ୍ ରକ୍ତ ଚାପକୁ ସନ୍ତୁଳନ କରି ମାନସିକ ଚାପକୁ କମ୍ କରିଥାଏ ବୋଲି ବିଶେଷଜ୍ଞ ମତ ଦିଅନ୍ତି।
* ଓଜନ କମ୍ କରିବାରେ ଅଖରୋଟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଏଥିରେ ପ୍ରଚୁର ମାତ୍ରାରେ ପ୍ରୋଟିନ୍ ଓ କ୍ୟାଲୋରି ରହିଛି। ଯାହା ଓଜନକୁ ନିୟନ୍ତ୍ରିତ କରିବାରେ ସାହାଯ୍ୟ କରିଥାଏ।
