ନୂଆଦିଲ୍ଲୀ,୩୧-୮: ଚାକିରିରତ କର୍ମଚାରୀଙ୍କ ପାଇଁ ଖୁସୀଖବର। ଭବିଷ୍ୟନିଧି ଆକାଉଣ୍ଟ(ପିଏଫ ଆକାଉଣ୍ଟ)ରେ ୨୦୧୮-୧୯ ଆର୍ଥିକ ବର୍ଷ ପାଇଁ ୮.୬୫% ସୁଧ ହାର ମିଳିବ। କେନ୍ଦ୍ର ଶ୍ରମ ମନ୍ତ୍ରୀ ସନ୍ତୋଷ ଗଙ୍ଗଓ୍ବାର କହିଛନ୍ତି ଯେ, ଇପିଏଫ୍ ପକ୍ଷରୁ ଧାର୍ଯ୍ୟ ସୁଧ ହାର ପ୍ରଦାନ କରିବାକୁ ଅର୍ଥ ମନ୍ତ୍ରଣାଳୟ ରାଜି ହୋଇଛି। ଅର୍ଥ ମନ୍ତ୍ରଣାଳୟ ପକ୍ଷରୁ ଖୁବଶୀଘ୍ର ଏ ସମ୍ପର୍କରେ ବିଜ୍ଞପ୍ତି ପ୍ରକାଶ କରାଯିବ ବୋଲି ସେ କହିଛନ୍ତି। ଏହାର ସିଧା ଫାଇଦା ୬ କୋଟି ଇପିଏଫ୍ ଆକାଉଣ୍ଟଧାରୀଙ୍କୁ ମିଳିବ। ସୂଚନାଥାଉ କି, ଗତ ୬ ମାସ ହେଲା ଅର୍ଥ ଓ ଶ୍ରମ ମନ୍ତ୍ରଣାଳୟ ମଧ୍ୟରେ ଏନେଇ ସହମତି ପ୍ରକାଶ ପାଇପାରୁ ନଥିଲା। ଏଥିପୂର୍ବରୁ ଅର୍ଥାତ୍ ୨୦୧୭-୧୮ ଆର୍ଥିକ ବର୍ଷରେ ସୁଧହାର ୮.୫୫% ରହିଥିଲା। ଅର୍ଥାତ ଆଲୋଚ୍ୟ ବର୍ଷରେ ପିଏଫ୍ ଆକାଉଣ୍ଟଧାରୀଙ୍କୁ ୦.୧୦% ଅଧିକ ସୁଧ ମିଳିବ।
