ପାସେଞ୍ଜର ଯାନ ବିକ୍ରି ୫୧% କମିଲା

ନୂଆଦିଲ୍ଲୀ,୧୪।୪: ସାରା ଦେଶରେ ୨୧ ଦିନିଆ ଲକ୍‌ଡାଉନ ପାଇଁ ପାସେଞ୍ଜର ଯାନ ବିକ୍ରି ୫୧% କମିଛି। ସଂକ୍ରମଣ ଭୟରେ ଲୋକମାନେ ଏବେ ଘରୁ ବାହାରକୁ ବାହାରୁ ନାହାନ୍ତି। ସୋସାଇଟି ଅଫ୍‌ ଇଣ୍ଡିଆନ ଅଟୋମୋବାଇଲ ମାନୁଫାକଚରର(ସିଆମ୍‌) ଡାଟା ମୁତାବକ ଏହି ବର୍ଗରେ ଯାନ ବିକ୍ରି ୧.୪୩ ଲକ୍ଷ ୟୁନିଟକୁ ଖସିଛି। ୨୦୧୯ ମାର୍ଚ୍ଚର ସାରା ଦେଶରେ ପାସେଞ୍ଜର ଯାନ ବିକ୍ରି ୨.୯୧ ଲକ୍ଷ କୋଟି ଟଙ୍କା ରହିଥିଲା। ଏହାବାଦ ଚଳିତ ବର୍ଷ ମାର୍ଚ୍ଚରେ ବାଣିଜି୍ୟକ ଯାନ ବିକ୍ରିରେ ୮୮.୯୫%ଖସିବା ସହ ୧୩.୦୨୭ ୟୁନିଟ ରହିଛି। ଏହା ଗତ ବର୍ଷ ସମାନ ସମୟରେ ୧.୦୯ ଲକ୍ଷ ୟୁନିଟ ଥିଲା। ୨୦୧୯ ମାର୍ଚ୍ଚରେ ୨ ଚକିଆ ଯାନ ବିକ୍ରି ୩୯.୩୮% ଖସି ୮.୬୬ ଲକ୍ଷ ୟୁନିଟ ରହିଛି। ୨୦୧୯ ମାର୍ଚ୍ଚରେ ଏହା ୧୪.୪୦ ଲକ୍ଷ ୟୁନିଟ ରହିଥିଲା।
ସବୁ ବର୍ଗରେ ଯାନ ବିକ୍ରି ୪୪.୯୫% ଖସିଥିବା ବେଳେ ଏହା ୧୦.୫ ଲକ୍ଷ ୟୁନିଟ ରହିଛି। ଏହା ଗତ ବର୍ଷ ସମାନ ସମୟରେ ୧୯ ଲକ୍ଷ ୟୁନିଟ ରହିଥିଲା। ଭାରତୀୟ ଅଟୋମୋବାଇଲ ଶିଳ୍ପ ଲାଗି ୨୦୧୯ ମାର୍ଚ୍ଚ ସବୁଠାରୁ ଚ୍ୟାଲେଞ୍ଜିଂ ସମୟ ବୋଲି ସିଆମ୍‌ର ସଭାପତି ରାଜନ ଓ୍ବାଧେରା ସୂଚନା ଦେଇଛନ୍ତି। ଓ୍ବାର୍କିଂ କ୍ୟାପିଟାଲ ଆବଶ୍ୟକତା ଏବଂ ଫିକ୍ସ କଷ୍ଟ ଉଠାଇବା ଲାଗି ଏବେ ଓଇଏମ୍‌ଗୁଡିକ ଅନେକ ସମସ୍ୟା ସାମ୍ନା କରୁଛନ୍ତି। ଲକ୍‌ଡାଉନ ଜନିତ ବନ୍ଦ ଯୋଗୁ ଅଟୋ ଶିଳ୍ପ ଦୈନିକ ୨,୩୦୦ କୋଟି ଟଙ୍କାର ଉତ୍ପାଦନ କାରବାର ହରାଉଛି। ଅଟୋ ଶିଳ୍ପ ଉପରେ କୋଭିଡ୍‌ ପ୍ରଭାବ କମ୍‌ କରିବା ଲାଗି ସରକାରଙ୍କ ସହ ଆଲୋଚନା ହେଉଥିବା ଓ୍ବାଧେରା କହିଛନ୍ତି। ଚାହିଦା ଏବଂ ଯୋଗାଣକୁ କୋଭିଡ୍‌-୧୯ କ୍ଷତିଗ୍ରସ୍ତ କରିଥିବା ବେଳେ ଅଟୋସେକ୍ଟର ଅଭିବୃଦ୍ଧିକୁ ଫେରାଇ ଆଣିବା ଲାଗି ଫାଇନାନ୍ସର ଆବଶ୍ୟକତା ରହିଥିବା ସେ ମତ ପ୍ରକାଶ କରିଛନ୍ତି।
ସହାୟତା ଲୋଡ଼ିଲା ଅଟୋ ଡିଲର ସଂଘ
ଲକ୍‌ଡାଉନ ପାଇଁ ହୋଇଥିବା କ୍ଷତିର ଭରଣା କରିବାକୁ ଫେଡେରେଶନ ଅଫ୍‌ ଅଟୋମୋବାଇଲ ଡିଲର୍ସ ଆସୋସିଏଶନ (ଫାଡା) ପ୍ରଧାନମନ୍ତ୍ରୀଙ୍କ ସହାୟତା ଲୋଡିଛି । ଏ ନେଇ ସଂଘ ପକ୍ଷରୁ ପ୍ରଧାନମନ୍ତ୍ରୀଙ୍କୁ ଏକ ଚିଠି ଲେଖାଯାଇଛି। ଲକ୍‌ଡାଉନ ସମୟରେ ବ୍ୟାଙ୍କ ଏବଂ ଅଣ ବ୍ୟାଙ୍କିଙ୍ଗ ବିତ୍ତ ପ୍ରତିଷ୍ଠାନଗୁଡିକରୁ ନିଆଯାଇଥିବା ସବୁ ବର୍ଗର ଋଣ ଉପରେ ସମ୍ପୂର୍ଣ୍ଣ ସୁଧ ଛାଡ କରିବା ପାଇଁ ସଂଘ ପକ୍ଷରୁ ନିବେଦନ କରାଯାଇଛି। ଲକ୍‌ଡାଉନ ପରେ ଆଗାମୀ ୯ ମାସ ପର୍ଯ୍ୟନ୍ତ ସୁଧଛାଡ, ଓ୍ବାର୍କିଂ କ୍ୟାପିଟାଲ ସବ୍‌ସିଡି, ଋଣ ଆବଶ୍ୟକତା ଉପରେ ସୁଧ ରିହାତି ପ୍ରଦାନ କରିବାକୁ ସଂଘର ୧୫ ହଜାର ଅଟୋମୋବାଇଲ ଡିଲରଙ୍କ ନିବେଦନ କରାଯାଇଛି। ଲକ୍‌ଡାଉନ ସମୟରେ ଡିଲରଶିପରେ କାମ କରୁଥିବା ଲୋକଙ୍କ ବେତନ ସରକାର ଦିଅନ୍ତୁ ବୋଲି ଏହା ଚିଠିରେ ଉଲ୍ଲେଖ କରିଛି। ଅଟୋମୋବାଇଲ ଉପରେ ଜିଏସ୍‌ଟି ହ୍ରାସ, ସ୍କ୍ରାପ ନୀତିରେ ରିହାତି ଏବଂ ଏହି କ୍ଷେତ୍ରକୁ ଅଗ୍ରାଧିକାର କ୍ଷେତ୍ର ଟ୍ୟାଗ୍‌ ଭଳି ଦାବି ରହିଛି। କ୍ଷେତ୍ର ୧୫ ମାସ ଧରି ମାନ୍ଦାବସ୍ଥାର ଶିକାର ହୋଇଥିବା ବେଳେ ଏବେ ୨୭୫ ଡିଲରଶିପ ବନ୍ଦ ହୋଇଛି। ଡିଲରଶିପ ସହ ଅନେକ ଲୋକଙ୍କ ଜୀବିକା ଜଡିତ ଥିବାରୁ କ୍ଷେତ୍ରକୁ ସରକାର ସହାୟତା ଯୋଗାଇଦେବାର ଆବଶ୍ୟକତା ରହିଛି ବୋଲି ଫାଡାର ସଭାପତି ଆଶିଷ ହର୍ସରାଜ କାଲେ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଆଧାର ପାନ୍ ଲିଙ୍କ ନେଇ ଆସିଲା ବଡ଼ ଖବର, ୩୧ ମେ ପର୍ଯ୍ୟନ୍ତ TDS ର ସ୍ୱଳ୍ପ ରିହାତି ଉପରେ ହେବନି କୌଣସି କାର୍ଯ୍ୟାନୁଷ୍ଠାନ

ନୂଆଦିଲ୍ଲୀ,୨୪ା୪: ଆୟକର ବିଭାଗ ଟିଡିଏସ (ଟିସିଏସ) ରିହାତି ବିଷୟରେ ଟିକସଦାତା ଏବଂ ବ୍ୟବସାୟୀଙ୍କୁ ବଡ଼ ଆରାମ ପ୍ରଦାନ କରିଛି। ଆୟକର ବିଭାଗ କହିଛି ଯେ ଟିକସଦାତା...

ଖୁବଶୀଘ୍ର ମୁକେଶ ଅମ୍ବାନୀଙ୍କ ଦୁନିଆରେ ଜୀବନ ବିତାଇବେ ଆପଣ, ଜାଣନ୍ତୁ କାରଣ

ମୁମ୍ବାଇ,୨୪ା୪: ଭାରତରେ ଏକ ବଡ ସଂଖ୍ୟକ ଲୋକେ ସେମାନଙ୍କର ଦୈନନ୍ଦିନ ଜୀବନ ଖୁବ ଶୀଘ୍ର ଭାରତର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀଙ୍କ ଦ୍ୱାରା ପରିଚାଳିତ...

କୋଟାକ୍ ମହିନ୍ଦ୍ରା ବ୍ୟାଙ୍କ ଉପରେ କଟକଣା ଲଗାଇଲା ଆରବିଆଇ: ନୂଆ ଗ୍ରାହକ ଯୋଡ଼ିବା, କ୍ରେଡିଟ୍ କାର୍ଡ ଦେବା ଉପରେ ଲାଗିଲା ରୋକ

ମୁମ୍ବାଇ,୨୨ା୪: ଭାରତୀୟ ରିଜର୍ଭ ବ୍ୟାଙ୍କ(ଆରବିଆଇ) ବୁଧବାର ମହିନ୍ଦ୍ରା ବଡ଼ କଟକଣା ଲଗାଇଛନ୍ତି। କଟକଣା ଲାଗିବା ପରେ ବ୍ୟାଙ୍କ ଏବେ ଅନଲାଇନ୍, ମୋବାଇଲ ବ୍ୟାଙ୍କିଙ୍ଗ ମାଧ୍ୟମରେ ଆଉ...

ଜୋକୋଭିଚ୍‌, ବୋନମାଟିଙ୍କୁ ଲୌରିଅସ ପୁରସ୍କାର

ମାଡ୍ରିଡ୍‌, ୨୪ା୪ (ଏପି): ସମ୍ମାନଜନକ ଲୌରିଅସ୍‌ ଓ୍ବାଲର୍‌ଡ ସ୍ପୋଟର୍‌ସ ଆଓ୍ବାର୍ଡ ଉତ୍ସବ ଅନୁଷ୍ଠିତ ହୋଇଯାଇଛି। ଗତବର୍ଷ ପ୍ରଥମଥର ମହିଳା ବିଶ୍ୱକପ୍‌ ଜିତିଥିବା ସ୍ପେନ୍‌ ଦୁଇଟି ପୁରସ୍କାର...

ଶେୟାର ବଜାର କାରବାରରେ ଉତ୍ସାହ

ନୂଆଦିଲ୍ଲୀ,୨୪।୪: କ୍ରମାଗତ ୩ୟ ଦିନ ଲାଗି ଘରୋଇ ଶେୟାର ବଜାର କାରବାରରେ ବୃଦ୍ଧି ଘଟିଛି। ଏପରିକି ଚଳିତ ସପ୍ତାହର ୨ୟ କାର୍ଯ୍ୟ ଦିବସର ଫଳାଫଳ ଅନୁଯାୟୀ...

ପ୍ରବୀଣ ଟିପିଡବ୍ଲ୍ୟୁଓଡିଏଲ୍‌ର ନୂତନ ସିଇଓ

ଭୁବନେଶ୍ୱର,୨୪।୪: ଟିପି ଓ୍ବେଷ୍ଟର୍ନ ଓଡ଼ିଶା ଡିଷ୍ଟ୍ରିବ୍ୟୁଶନ ଲିମିଟେଡ୍‌ (ଟିପିଡବ୍ଲ୍ୟୁଓଡିଏଲ୍‌) ର ନୂତନ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଭାବେ ପ୍ରବୀଣ କୁମାର ବର୍ମା ନିକଟରେ ଦାୟିତ୍ୱ ଗ୍ରହଣ...

ଲାଲଚାନ୍ଦ୍‌ ଜୁଏଲର୍ସର ଗୋଲ୍ଡ ଲକ୍‌ ଅଫର

ଭୁବନେଶ୍ୱର,୨୪।୪(ଅଭୟ ଦାଶ): ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଅକ୍ଷୟ ତୃତୀୟା ଉପଲକ୍ଷେ ଲାଲ୍‌ଚାନ୍ଦ୍‌ ଜୁଏଲର୍ସର ଆକର୍ଷଣୀୟ ଅଫର ଓ ଅଗ୍ରିମ ବୁକିଂ ସମ୍ପର୍କରେ ଘୋଷଣା...

ଆଇଟି କମ୍ପାନୀରେ କମୁଛି ନିଯୁକ୍ତି

ଭୁବନେଶ୍ୱର,୨୪।୪(ଅନୁରାଧା ମହାରଣା): ଲୋକଙ୍କୁ ନିଯୁକ୍ତି ପ୍ରଦାନ କ୍ଷେତ୍ରରେ ଶୀର୍ଷରେ ଥିବା ଆଇଟି ସଂସ୍ଥାଗୁଡ଼ିକର ସ୍ଥିିତି ଭଲ ନାହିଁ। ବିଶ୍ୱର ବଡ଼ ବଡ଼ ବୈଷୟିକ କମ୍ପାନୀଗୁଡ଼ିକରେ ଛଟେଇ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri