ଭୁବନେଶ୍ୱର, ୧୪-୯(ବ୍ୟୁରୋ): ଆଦିତ୍ୟ ବିର୍ଲା ଫ୍ୟାଶନ ଆଣ୍ଡ ରିଟେଲ ଲିମିଟେଡର ପ୍ରମୁଖ ଫାଷ୍ଟ ଫ୍ୟାଶନ ବ୍ରାଣ୍ଡ ପାଣ୍ଟାଲୁନ୍ସ ପକ୍ଷରୁ ନୂଆ ଫେଷ୍ଟିଭ କଲେକ୍ସନ ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ପବିତ୍ର ଦୁର୍ଗା ପୂଜା ଉପଲକ୍ଷେ ଷ୍ଟୋର ପକ୍ଷରୁ ଫେଷ୍ଟିଭ୍ ରେଞ୍ଜର ପୋଷାକ ଉପଲବ୍ଧ କରାଯାଉଛି। ପାଣ୍ଟାଲୁନ୍ସର ସଦ୍ୟତମ କଲେକ୍ସନ ମଧ୍ୟରେ କାଜୁଆଲ, ଏଥେନିକ ଡ୍ରେସ, ଘେରା ସ୍କଟ, ପ୍ରିଣ୍ଟେଡ ଟପ୍ସ, କୁର୍ତ୍ତା, ଗ୍ରାଫିକ୍ ଟିଜ୍, ଫ୍ୟାଶନେବଲ ଡେନିମ୍ସ, ସ୍ମାର୍ଟ ଚିନୋସ, ପ୍ରିଣ୍ଟେଡ ଶାର୍ଟ ଭଳି ଅନ୍ୟାନ୍ୟ ପ୍ରଡକ୍ଟ ସାମିଲ ରହିଛି। ପାର୍ବଣ ପାଇଁ ପାଣ୍ଟାଲୁନ୍ସ ଆଣିଛି ପାରମ୍ପରିକ ନାଲି, ଧଳା ଏବଂ ଗୋଲ୍ଡ କଲେକ୍ସନ। ଏଗୁଡିକ ଆକର୍ଷଣୀୟ ଫ୍ୟାବ୍ରିକ, ପ୍ରିଣ୍ଟ ଏବଂ କାରୁକାର୍ଯ୍ୟ ଖଚିତ ହୋଇଛି ଯାହା ପାର୍ବଣକୁ ଧ୍ୟାନରେ ରଖି ପ୍ରସ୍ତୁତ କରାଯାଇଛି। ଭାରତୀୟ ଗ୍ରାହକଙ୍କ ଅତ୍ୟାଧୁନିକ ରିଟେଲ ଆବଶ୍ୟକତା ଆଧାରରେ ବିସ୍ତୃତ ବର୍ଗର ଆପାରେଲ ଏବଂ ଅଣଆପାରେଲ ପ୍ରଡକ୍ଟ ଉପରେ ଷ୍ଟୋର ପକ୍ଷରୁ ଧ୍ୟାନ ରଖାଯାଇଛି। ଏକ ଶକ୍ତିଶାଳୀ ବ୍ରାଣ୍ଡ ଭାବେ ପାଣ୍ଟାଲୁନ୍ସ ଗତ ୨ ଦଶନ୍ଧି ଧରି ଦେଶର ବିଭିନ୍ନ ପ୍ରାନ୍ତରେ ଫ୍ୟାଶନ ପ୍ରଡକ୍ଟ ଉପଲବ୍ଧ କରାଉଥିବା ସୂଚନା ଦେଇଛି। ପାର୍ବଣ ଉପଲକ୍ଷେ ଗ୍ରାହକଙ୍କ ଲାଗି ଆକର୍ଷଣୀୟ ଅଫର ପ୍ରଦାନ କରାଯାଉଛି। ୧୦ ହଜାର ଟଙ୍କାର କ୍ରୟ ଉପରେ ଗ୍ରାହକ ୧୦୦୦ ଟଙ୍କାର ତ୍ୱରିତ ରିହାତି ଏବଂ ୨ ହଜାର ଟଙ୍କାର ଗିଫ୍ଟ ଭାଉଚର ପାଇପାରିବେ। ପରବର୍ତ୍ତୀ କ୍ରୟ ସମୟରେ ଏହି ଭାଉଚରଗୁଡିକୁ ଗ୍ରାହକ ବ୍ୟବହାର କରିପାରିବେ ବୋଲି ଷ୍ଟୋର ପକ୍ଷରୁ କୁହାଯାଇଛି।
