ମୁମ୍ବାଇ: ରିଲିଜ୍ ପରଠାରୁ ବକ୍ସ ଅଫିସରେ ଭଲ ପ୍ରଦର୍ଶନକୁ ଜାରି ରଖିଛି ଅଭିନେତା ଶାହିଦ କପୁରଙ୍କ ଫିଲ୍ମ ‘କବିର ସିଂ’। ମାତ୍ର ପାଞ୍ଚ ଦିନରେ ଶହେ କୋଟି କ୍ଲବରେ ପହଞ୍ଚିବାରେ ସଫଳ ହୋଇଛି ଫିଲ୍ମଟି। ମଙ୍ଗଳବାର ୧୬.୫୩ କୋଟି ବ୍ୟବସାୟ କରିଥିବା ବେଳେ ମୋଟ ୧୦୪.୯୦ କୋଟି ରୋଜଗାର କରିସାରିଛି। ଏବେ ବି ଫିଲ୍ମଟି ହାଉସ୍ଫୁଲ ଯାଉଥିବା ଯୋଗୁ ବ୍ୟବସାୟରେ ନୂଆ ରେକର୍ଡ ସୃଷ୍ଟି କରିବ ବୋଲି ଆଶା କରାଯାଉଛି।
ତେବେ କେବଳ ୩୧୨୩ ସ୍କ୍ରିନ୍ରେ ରିଲିଜ ହୋଇଛି ‘କବିର ସିଂ’। ଏଥିରେ ପ୍ରମୁଖ ଭୂମିକାରେ ଶାହିଦ ଓ କିଆରା ଆଡଭାଣୀଙ୍କୁ ଦେଖିବାକୁ ମିଳୁଛି। ଫିଲ୍ମର କାହାଣୀକୁ ନେଇ ବିବାଦ ଏପରିକି ଟ୍ରୋଲର୍ମାନେ ମଧ୍ୟ ଶାହିଦଙ୍କୁ କଟୁ ମନ୍ତବ୍ୟ ଦେଉଛନ୍ତି। ତଥାପି ଫିଲ୍ମଟିକୁ ପ୍ରଶଂସକମାନଙ୍କ ଭରପୂର ଭଲପାଇବା ମିଳୁଛି। ଫଳରେ ଫିଲ୍ମଟି ଶହେ କୋଟି କ୍ଲବରେ ସାମିଲ ହୋଇଥିବା ଶାହିଦଙ୍କ ପ୍ରଥମ ଫିଲ୍ମ ପାଲଟିଛି।
