ପଞ୍ଚାୟତ ସମିତିର ବିଭିନ୍ନ ସମସ୍ୟା, ସଭ୍ୟାସଭ୍ୟଙ୍କୁ ଅଣଦେଖା ନେଇ ଦାବିପତ୍ର

କୋରେଇ,୧୪ା୮(ସ୍ବ.ପ୍ର.)- ଓଡ଼ିଶା ରାଜ୍ୟ ପଞ୍ଚାୟତ ସମିତି ସଭ୍ୟାସଭ୍ୟ ମହାସଙ୍ଘ କୋରେଇ ଶାଖା ପକ୍ଷରୁ ବୁଧବାର ପଞ୍ଚାୟତ ସମିତିର ବିଭିନ୍ନ ସମସ୍ୟା ଓ ସଭ୍ୟାସଭ୍ୟଙ୍କୁ ଅଣଦେଖା ନେଇ କୋରେଇ ବିଡିଓଙ୍କୁ ୮ ଦଫା ଦାବିପତ୍ର ପ୍ରଦାନ କରାଯାଇଛି। ଏ ସଂକ୍ରାନ୍ତରେ ଆସନ୍ତା ୧୬ ତାରିଖରେ ଜିଲାପାଳ ଓ ବିଧାୟକଙ୍କୁ ଦାବିପତ୍ର ପ୍ରଦାନ କରାଯିବ ବୋଲି ସଙ୍ଘ ସଭାପତି ପ୍ରମୋଦ କୁମାର ସାହୁ ସୂଚନା ଦେଇଛନ୍ତି। ପଞ୍ଚାୟତ ରାଜ ବିଧି ଅନୁଯାୟୀ ପ୍ରତି ୨ ମାସରେ ସମିତି ବୈଠକ ହେବା କଥା କିନ୍ତୁ କୋରାଇ ବ୍ଲକରେ ୧୦ ମାସ ହେବ ବୈଠକ ହୋଇ ନାହିଁ ା ପଞ୍ଚାୟତ ସମିତିରେ ପାରିତ ସଙ୍କଳ୍ପର ନକଲ ପ୍ରତ୍ୟକ ସଭ୍ୟଙ୍କୁ ୧୫ ଦିନ ମଧ୍ୟରେ ଅବଗତ ଓ ସଂଶୋଧନ ନିମନ୍ତେ ପ୍ରେରଣ କରାଯାଉ ନାହିଁ ା ସରକାରଙ୍କ ବିଭିନ୍ନ ଯୋଜନା ଓ କାର୍ଯ୍ୟକ୍ରମଗୁଡିକ ସମ୍ପୃକ୍ତ ବିଭାଗର ଅଧିକାରୀ ପ୍ରଦାନ ନ କରିବା, ବିଭିନ୍ନ ସରକାରୀ କାର୍ଯ୍ୟକ୍ରମ ଓ ବୈଠକକୁ ଠିକଭାବେ ନ ଡାକିବା, ପଞ୍ଚାୟତ ସମିତି ଗଠନର ୨ ବର୍ଷ ୬ମାସ ବିତିଥିଲେ ମଧ୍ୟ ଅଦ୍ୟାବଧି ସ୍ଥାୟୀ କମିଟି ଗଠନ ହୋଇ ନାହଁି। ଏପରିକି ପଞ୍ଚାୟତ ସମିତିର ବିନା ଅନୁମୋଦନ ଓ ଅଗୋଚରରେ ପଞ୍ଚାୟତ ସମିତିରେ ବିଭିନ୍ନ ପ୍ରକଳ୍ପର କାର୍ଯ୍ୟହେବା, ୨୦୧୯-୨୦ ଫନୀ ବାତ୍ୟା ପ୍ରକଳ୍ପଗୁଡିକ ଚୟନ ସମିତିରେ ଆଲୋଚନା କରା ନ ଯାଇ ପାରିତ ବେହା, ବ୍ଲକ ପରିସରରେ କମନରୁମ ନ ହେବା ଆଦି ବିଭିନ୍ନ ଦାବି ସମ୍ଭଳିତ ଦାବିପ୍ରତ ସଂଘ ପକ୍ଷରୁ ପ୍ରଦାନ କରାଯାଇଛି। ସଭପତି ସାହୁଙ୍କ ସମତେ ଉପଦେଷ୍ଟା କୁଳମଣୀ ଦାସ, ଅନିଲ କୁମାର ମହାପାତ୍ର, ସେକ ଜହର ଅଲ୍ଲୀ, ଅଶୋକ ବାରିକ, ମନ୍ମଥ ଜେନା, ନୀଳମାଧବ ଚକ୍ର, ତିଳୋତମା ସେଠୀ, ନିଳାଦ୍ରୀ ଭୁଷର ସାହୁ, ଜୟନ୍ତୀ ସାହୁ, ମମତାରାଣୀ ଘଡାଇ, ଭାନୁପ୍ରଭା କରଣ, ମଧୁସୂଦନ ସାହୁ, କ୍ଷୀରୋଦ ଦାସ, ତିଳୋତମା ସାହୁ, ଗଭିନ ଦଳାଇ, ପ୍ରତିମା ରାଉତ, ସଜୁଲତା ଖଟୁଆ, ଉମାକାନ୍ତ ବେହେରା, ନିତ୍ୟାନନ୍ଦ ସାହୁ, ବଟକୃଷ୍ଣ ମଳିକ, ନିର୍ମଳା ବେହେରା, ମାଣିକ ଦାସ, ଅମିତା ସାହୁ, ରାଧାରାଣୀ ପାତ୍ର, ପାର୍ବତୀ ବେହେରା ପ୍ରମୁଖ ଆନ୍ଦୋଳନରେ ଯୋଗଦେଇଥିଲେ ା