ନିଖୋଜ ଶିଶୁ କନ୍ୟା ଉଦ୍ଧାର
8:01 amFebruary 13, 2020 / 21

ବଡ଼ସାହି,୧୩ା୨(ସ୍ବ.ପ୍ର)-ଉତ୍ତର ଓଡ଼ିଶାର ପ୍ରସିଦ୍ଧ ମା’ ହିଙ୍ଗୁଳାଙ୍କ ବାର୍ଷିକ ପୂଜାରେ ନିଖୋଜ ଥିବା ଶିଶୁକନ୍ୟାଙ୍କୁ ବୁଧବାର ସକାଳେ ଉଦ୍ଧାର କରାଯାଇଛି। ପୋଲିସ ତାଙ୍କ ସ୍ବାସ୍ଥ୍ୟ ପରୀକ୍ଷା କରିବା ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ଶିଶୁ କନ୍ୟାଙ୍କୁ ପାଇ ପରିବାର ଲୋକେ ଆଶ୍ୱସ୍ତି ଲାଭ କରିିଛନ୍ତି ା ମଙ୍ଗଳବାର ଅପରାହ୍ନ ୫ଟା ସମୟରେ ପରିବାର ଲୋକଙ୍କ ସହ ମେଳା ବୁଲିବାକୁ ଆସିଥିବା ବେଳେ ବାଟବଣା ହୋଇ ସେଠାକାର ଜଙ୍ଗଲ ମଧ୍ୟରେ ଶିଶୁ କନ୍ୟା ଜଣକ ହଜିଯାଇଥିଲେ। ଅନ୍ଧାର ମାଡ଼ି ଆସିବାରୁ ରାତିରେ କୁଆଡ଼େ ଯାଇ ନ ପାରି ଜଙ୍ଗଲ ମଧ୍ୟରେ କାନ୍ଦୁଥିଲା ା କାନ୍ଦ ଶୁଣି ନୀଳଗିରି ଥାନା ଅଞ୍ଚଳର ସୁଶାନ୍ତ ରାଉତ ତାଙ୍କୁ ଉଦ୍ଧାର କରି ଖୁଣ୍ଟା ଥାନା ଅଧୀନ ଚଡରାଶୋଳ ଗ୍ରାମର ଜଣେ ସମ୍ପର୍କୀୟଙ୍କ ଘରେ ଆଶ୍ରୟ ନେଇଥିଲା ା ବୁଧବାର ଶିଶୁକନ୍ୟାଟି ସେଠାରୁ ଉଦ୍ଧାର ହୋଇଥିବା ଜଣାପଡ଼ିଛି। ଏ ନେଇ ଥାନାରେ ଏକ ମାମଲା(ନଂ. ୨୦/୨୦) ରୁଜୁ ହୋଇଛି।