ଦ୍ୱିତୀୟ ପର୍ଯ୍ୟାୟରେ ୭୨ହଜାର ୪୭ଟଙ୍କା ସହାୟତା ରାଶି ପ୍ରଦାନ
6:55 amApril 19, 2020 / 21

ସିମୁଳିଆ,୧୯ା୪(ଡି.ଏନ.ଏ.)-କରୋନା ସହାୟତା ପାଇଁ ବାଲେଶ୍ୱର ଜିଲା ସିମୁଳିଆବାସୀ ପ୍ରୟାସ ଜାରି ରଖିଛନ୍ତି। ଶନିବାର ସିମୁଳିଆ ବ୍ଲକର ବରିଷ୍ଠ ନାଗରିକ ମଞ୍ଚ ପକ୍ଷରୁ ୨୨ହଜାର ୫ଶହ ଟଙ୍କା ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ପ୍ରଦାନ କରାଯାଇଛି ।  ବରିଷ୍ଠ ମଞ୍ଚର ସଭାପତି ଚତୁର୍ଭୂଜ ପାଣିଗ୍ରାହୀ, ଉପସଭାପତି ବୀରେନ୍ଦ୍ର କୁମାର ନାୟକ, ସମ୍ପାଦକ ମହେନ୍ଦ୍ରନାଥ ମହାପାତ୍ର, ପଦ୍ମଲୋଚନ ସାହୁ, ହରିନାରାୟଣ ପଣ୍ଡା, ଦୀନବନ୍ଧୁ ପାଢୀ ପ୍ରମୁଖ ଏହି ଅର୍ଥରାଶିକୁ ବିଡିଓ ଡ. ନରହରି ବେହେରାଙ୍କୁ ପ୍ରଦାନ କରିଥିଲେ ।  ସେହିପରି ମାର୍କୋଣା ସରସ୍ବତୀ ଶିଶୁ ମନ୍ଦିରର ନବମ ଶ୍ରେଣୀର ଛାତ୍ରୀ ଅଭିପ୍ସା ମିଶ୍ର ନିଜ ସଞ୍ଚିତ ରାଶି ୧୧ଶହ ୨ଟଙ୍କା ବିଡିଓଙ୍କୁ ପ୍ରଦାନ କରିଛନ୍ତି । ମାର୍କୋଣା କାନାରା ବ୍ୟାଙ୍କର ପୂର୍ବତନ ଶାଖା ଅଧିକାରୀ ତଥା ମାର୍କୋଣା ଅଞ୍ଚଳର ତପନ କୁମାର ଦାସ ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ୧ହଜାର ଓ ପ୍ରଧାନମନ୍ତ୍ରୀ ରିଲିଫ ଫଣ୍ଡକୁ ୨ହଜାର ୧ଟଙ୍କା ପ୍ରଦାନ କରିଛନ୍ତି। ସେହିପରି କଟକ ବଡ ମେଡିକାଲର ଅବସରପ୍ରାପ୍ତ ବରିଷ୍ଠ ଷ୍ଟାଫନର୍ସ ତଥା ମାର୍କୋଣା ଅଞ୍ଚଳର ଜୟନ୍ତୀରାଣୀ ପାଢୀ ଓ ତାଙ୍କ ସ୍ବାମୀ ବରିଷ୍ଠ ଖବରଦାତା ଓ ସାମାଜିକ କର୍ମୀ ହରିଶଚନ୍ଦ୍ର ସ ଉଭୟ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ମୋଟ ୨୪ହଜାର ୨ଶହ ୨୨ଟଙ୍କା ସହାୟତା ରାଶି ପ୍ରଦାନ କରିଛନ୍ତି ା ପ୍ରଥମ ପର୍ଯ୍ୟାୟରେ ବିଭିନ୍ନ ଜନସାଧାରଣଙ୍କ ପକ୍ଷରୁ ୧ଲକ୍ଷ ୫ହଜାର ଟଙ୍କା ପ୍ରଦାନ କରାଯାଇଥିବା ବେଳେ ଦ୍ୱିତୀୟ ପର୍ଯ୍ୟାୟରେ ୭୨ହଜାର ୪୭ଟଙ୍କା ପ୍ରଦାନ କରାଯାଇଛି ା