ମୁମ୍ବାଇ: ବଲିଉଡ୍ ଖିଲାଡି ବୟଙ୍କର ରହିଛି ଭିନ୍ନ ଭିନ୍ନ ଟ୍ୟାଲେଣ୍ଟ। ସିରିୟସ, କମେଡି ସିନ୍ ସହ ଷ୍ଟଣ୍ଟ କରି ମଧ୍ୟ ଦର୍ଶକଙ୍କ ହୃଦୟ ଜିତି ପାରିଥିବା ଏହି ନାୟକଙ୍କୁ ଏବେ ଭିନ୍ନ ଅବତାରରେ ଦେଖିବାକୁ ମିଳିବ ବୋଲି ଶୁଣିବାକୁ ମିଳିଛି। ଫିଲ୍ମ ‘ହାଉସ୍ଫୁଲ୍-୪’ରେ ଅକ୍ଷୟ ଆସିବେ ଏକ ଭିନ୍ନ ଟ୍ୟାଲେଣ୍ଟ ନେଇ। ଏଥିରେ ଆଉ ଆକ୍ସନ କି କମେଡି ନୁହେଁ। ର଼୍ୟାପ ମ୍ୟୁଜିକରେ ପରଫର୍ମ କରିବେ ଅକ୍ଷୟ। କଥାଟା ଟିକେ ଅଡୁଆ ଲାଗୁଥିଲେ ବି ସତ ବୋଲି କୁହାଯାଉଛି। ଅବଶ୍ୟ ୨୦୧୩ରେ ସେ ‘ସ୍ପେଶାଲ-୨୬’ରେ କଣ୍ଠଦାନ କରିଥିଲେ। ହେଲେ ଏଥର କିନ୍ତୁ ର଼୍ୟାପ୍ ମ୍ୟୁଜିକ୍ ନେଇ ସେ ଦର୍ଶକଙ୍କର ନିକଟତର ହେବାକୁ ନିଶ୍ଚୟ ଚେଷ୍ଟା କରିବେ। ଅବଶ୍ୟ ଏହି ଖବର ଆସିବା ପରେ ଅନେକ ପ୍ରଶଂସକ ତାଙ୍କୁ ଛୁପାରୁସ୍ତମ ବୋଲି କହୁଛନ୍ତି। ସେ ଏହି ର଼୍ୟାପ୍ ମ୍ୟୁଜିକରେ ଏକା ରହିବେ କି ତାଙ୍କ ସହ ହନି ସିଂ ରହିବେ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ। ଯଦି ଅକ୍ଷୟ ର଼୍ୟାପ୍ ଗାଇଲେ ତେବେ ସେ ବଲିଉଡ୍ ନାୟକ ରଣବୀର ସିଂଙ୍କୁ ପଛରେ ପକାଇ ଦେବେ ବୋଲି କୁହାଯାଉଛି। କାରଣ ରଣବୀର ‘ଗଲି ବୟ’ରେ ର଼୍ୟାପ୍ ମ୍ୟୁଜିକରେ ଦର୍ଶକଙ୍କୁ ମତୁଆଲା କରିଥିଲେ। ଏଥିରୁ ସ୍ପଷ୍ଟ ହେଉଛି ଯେ ମଲ୍ଟି ଟ୍ୟାଲେଣ୍ଟେଡ୍ ନାୟକ ଅକ୍ଷୟ କିଛି ନା କିଛି ଭିନ୍ନ କରି ଦର୍ଶକଙ୍କ ନିକଟତର ହେବାରେ ଓସ୍ତାଦ୍।
