ନୂଆଦଲ୍ଲୀ,୧୯।୧: ପାଖେଇ ଆସୁଛି ଦିଲ୍ଲୀ ବିଧାନସଭା ନିର୍ବାଚନ। ଏବେ ଏହାକୁ ନେଇ ଭୋଟରଙ୍କୁ ନିଜ ଆଡକୁ ଆକର୍ଷିତ କରିବାକୁ ସବୁଦଳ ପ୍ରସ୍ତୁତ ହେଉଛନ୍ତି। ଏଠାରେ ଶାସକ ଆମ ଆଦମୀ ପାର୍ଟି(ଏଏପି), ଭାରତୀୟ ଜନତା ପାର୍ଟି(ଭାଜପା) ଓ କଂଗ୍ରେସ ମଧ୍ୟରେ କଡା ଟକ୍କର ହେବ। ଏଥର ଏଏପି ‘କେଜରିଓ୍ବାଲ ଗ୍ୟାରେଣ୍ଟି କାର୍ଡ’ ସହ ଭୋଟରଙ୍କ ନିକଟର ହେବାକୁ ଚେଷ୍ଟା କରିଛି। ଏଥିରେ ବିଶେଷ ଭାବେ ୧୦ ଟି ଗ୍ୟାରେଣ୍ଟି ଦିଆଯାଇଛି। ଯେଉଁଥିରେ ସାମିଲ ଅଛି ୨୪ ଘଣ୍ଟା ବିଜୁଳି ଓ ୨୪ ଘଣ୍ଟା ବିଶୁଦ୍ଧ ପାନୀୟ ଯୋଗାଣ। ଏହାସହ ୨୦୦ ସହ ୟୁନିଟ ପର୍ଯ୍ୟନ୍ତ ବିଜୁଳି ମାଗଣରେ ଦିଆଯିବାର ମଧ୍ୟ ବ୍ୟବସ୍ଥା ରହିଛି। ବିଜୁଳି ଯୋଗାଣ ପାଇଁ ଅଣ୍ଡର ଗ୍ରାଉଣ୍ଡ ବ୍ୟବହାର କରାଯିବ ବୋଲି କହିଛି ଏଏପି। ଏମିତିରେ ୨୦ ହଜାର ଲିଟର ପାଣି ମଧ୍ୟ ମାଗଣାରେ ଦିଆଯିବ। ଛାତ୍ରୀଛାତ୍ରଙ୍କୁ ମାଗଣା ବସ୍ ସେବା ମଧ୍ୟ ଯୋଗାଇ ଦିଆଯିବ। ଏହାସହ ଶିକ୍ଷା, ସ୍ବାସ୍ଥ୍ୟ, କୋଠାଘର ଉପରେ ମଧ୍ୟ ଏଏପି ସରକାର ପ୍ରାଧାନ୍ୟ ଦେବେ ବୋଲି ଗ୍ୟାରେଣ୍ଟି କାର୍ଡରେ ଉଲ୍ଲେଖ କରିଛନ୍ତି। ଘୋଷଣାପତ୍ର ପୂର୍ବରୁ ଏଏପିର ଏହି କାର୍ଡ ଭୋଟରଙ୍କୁ ଆକର୍ଷିତ କରିପାରେ ବୋଲି କୁହାଯାଉଛି।
