ପୁରୁଣା ଭୁବନେଶ୍ୱର, ୧।୧୦(ଡି.ଏନ.ଏ.): କେଶୁରା ଦୁର୍ଗାପୂଜା ସମିତି ପକ୍ଷରୁ ୨୦୧୦ରୁ ଆରମ୍ଭ ହୋଇଥିବା ଦୁର୍ଗାପୂଜା ଚଳିତବର୍ଷ ୧୦ ବର୍ଷ ପୂରଣ କରୁଛି। ଏ ବର୍ଷ ଭିନ୍ନ ଧରଣର ତୋରଣ ସହ ଆଲୋକୀକରଣ ବ୍ୟବସ୍ଥା ସମିତି ପକ୍ଷରୁ କରାଯାଇଛି। ଉତ୍ତରାଖଣ୍ଡର ନାନାକାମଟା ଗୁରୁଦ୍ୱାର ତୋରଣ ସାଙ୍ଗକୁ ଏଲିଡ଼ି ଲାଇଟ ଦେଖିବାକୁ ମିଳିବ। ଏଥିପାଇଁ କେଶୁରା ଖେଳପଡ଼ିଆସ୍ଥିତ ପୂଜାମଣ୍ଡପଠାରେ ଷଷ୍ଠିର ବିଲ୍ବବରଣଠାରୁ ସପ୍ତମୀରେ କୁଆଖାଇ ନଦୀରୁ କଳସଯାତ୍ରା ରୋଷଣ ସହ ବିମାନ ଯୋଗ ନବପତ୍ରିକା, ଆମନ୍ତ୍ରିତ ଅଷ୍ଠମୀର ବିହି ଧ୍ୱଜା ସାଙ୍ଗକୁ, ନବମୀର ନବକୁମାରୀ ପୂଜା କରାଯିବ। ପୂଜା ମଣ୍ଡପ ସମ୍ମୁଖରେ କୋଲକାତା ଏବଂ ଓଡ଼ିଶାର କୁଶଳୀ କାରିଗରମାନେ ୨୦ ଦିନ ଆଗରୁ ତୋରଣ ନିର୍ମାଣ ପ୍ରସ୍ତୁତିରେ ଲାଗି ପଡିିଛନ୍ତି। ପ୍ରାୟ ୧୫ରୁ ୨୦ଜଣ କାରିଗର ଏଥିରେ ନିୟୋଜିତ ଅଛନ୍ତି। ପ୍ରାୟ ୫ ଲକ୍ଷ ଟଙ୍କା ବ୍ୟୟରେ ଏହି ତୋରଣ ନିର୍ମାଣ କରାଯାଉଥିବା ସମିତିର ଉପସଭାପତି କୁତ୍ତାର୍ଥ ପ୍ରଧାନ କହିଛନ୍ତି। ସେହିଭଳି ଚଳିତବର୍ଷ ପୂଜାକୁ ଶୃଙ୍ଖଳିତ କରିବା ସହ ଏକ ସଚେତନତା କାର୍ଯ୍ୟକ୍ରମ ସମିତି ହାତକୁ ନେଇଛି। ଶ୍ରଦ୍ଧାଳୁମାନଙ୍କୁ ବାଉଁଶ ପାତିଆ ନିର୍ମିତ ଭୋଗ ଡାଲାରେ ଭୋଗ କରାଯିବା ପାଇଁ ବିଦ୍ଧିବଧ ବ୍ୟବସ୍ଥା କରାଯାଇଛି। ପ୍ରାରମ୍ଭିକ ପର୍ଯ୍ୟାୟରେ ୨୦୦ ଭୋଗଡାଲା ପ୍ରସ୍ତୁତ ହୋଇଥିବା ପୂର୍ବତନ କୋଷାଧକ୍ଷ ମାଗୁଣି ପ୍ରଧାନ କହିଛନ୍ତି। ସପ୍ତମୀରେ ୭ ପ୍ରକାର ଖେଚୁଡ଼ି ଭୋଗ, ମହାଷ୍ଟମୀରେ ପାଣି କଖାରୁ ବଳି ଓ ନବମୀରେ ପ୍ରସାଦ ସେବନର ବ୍ୟବସ୍ଥା ରହିଛି। ୫୦ରୁ ଊର୍ଦ୍ଧ୍ୱ ସ୍ବେଚ୍ଛାସେବୀ ଟ୍ରାଫିକ୍ ନିୟନ୍ତ୍ରଣରେ କାମ କରିବା ସହ ନିଶା ବନ୍ଦ, ପ୍ଲାଷ୍ଟିକ୍ ଫ୍ରି ଉପରେ କମିଟି ଗୁରୁତ୍ୱ ଦେଇଛି।
