ତେଲଙ୍ଗାନାରୁ ଫେରିଲେ ୩୬ ଶ୍ରମିକ
9:22 pmMay 4, 2020 / 53

ଡାବୁଗାଁ,୪ା୫(ଡି.ଏନ୍‌.ଏ.): ତେଲଙ୍ଗାନାରୁ ୩୬ ଶ୍ରମିକ ଆସି ରବିବାର ସନ୍ଧ୍ୟାରେ ନବରଙ୍ଗପୁର ଜିଲା ଡାବୁଗାଁରେ ପହଞ୍ଚିଛନ୍ତି। ଡାବୁଗାଁ ବ୍ଲକ୍‌ ଅଧୀନ ଜବାଗୁଡ଼ା, ବୋରିଗାଁ ଓ ବଡ଼ଓଲମା ପଞ୍ଚାୟତର ବିଭିନ୍ନ ଗ୍ରାମରୁ ୩୬ ଶ୍ରମିକ ତେଲଙ୍ଗାନା ରାଜ୍ୟର ଗୋଦାବରୀ ଜିଲାରେ କାମ କରୁଥିଲେ। ଲକ୍‌ଡାଉନ୍‌ ଯୋଗୁ ସେଠାରେ କାମ ବନ୍ଦ ହୋଇଯାଇଥିଲା। ବହୁ କଷ୍ଟରେ ସେଠାରେ ରହିଥିବାବେଳେ ଏବେ ବାଧ୍ୟ ହୋଇ ନିଜସ୍ବ ଉଦ୍ୟମରେ ଏକ ଟାଟା ମ୍ୟାଜିକ୍‌ ଭଡ଼ା କରି ଗାଁକୁ ଫେରିଛନ୍ତି। ସମସ୍ତ ପ୍ରମାଣପତ୍ର ଧରି ସେମାନେ ଫେରିଛନ୍ତି। ଏଠାରେ ଜିଲା ପ୍ରଶାସନ ପକ୍ଷରୁ ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଥିଲା। ପରେ ବ୍ଲକ୍‌ ପ୍ରଶାସନ ପକ୍ଷରୁ ଶ୍ରମିକମାନଙ୍କୁ ଜବାଗୁଡ଼ା ଅସ୍ଥାୟୀ ସ୍ବାସ୍ଥ୍ୟ କେନ୍ଦ୍ରରେ ସଙ୍ଗରୋଧରେ ରଖାଯାଇଛି। ଏମାନଙ୍କ ମଧ୍ୟରେ ଜବାଗୁଡ଼ା ପଞ୍ଚାୟତର ୧୩ ମହିଳା ଓ ୫ ପୁରୁଷ, ବୋରିଗାଁ ପଞ୍ଚାୟତର ୪ ମହିଳା ଏବଂ ବଡ଼ଓଲମା ପଞ୍ଚାୟତର ୧୨ ମହିଳା ଓ ୨ ଜଣ ପୁରୁଷ ରହିଛନ୍ତି।