ପାତ୍ରପୁର,୧ା୯(ଡି.ଏନ୍.ଏ.)-ପାତ୍ରପୁର ବ୍ଲକ ବାଘଲଟି ଜଳ ଭଣ୍ଡାର ଦେଇ ଡଙ୍ଗାରେ ଯାତାୟାତ କରୁଥିବା ଜନସାଧାରଣଙ୍କୁ ଶନିବାର ଲାଇଫ୍ ଜାକେଟ ପ୍ରଦାନ କରାଯାଇଛି। ଗଞ୍ଜାମ ଜିଲାପାଳଙ୍କ ନିର୍ଦ୍ଦେଶ କ୍ରମେ ବାଘଲଟି କାର୍ଯ୍ୟନିର୍ବାହୀ ଅଧିକାରୀ ସଞ୍ଜୀବ ଦାସ ବର୍ମା ଲୋକଙ୍କୁ ଜାକେଟ ପ୍ରଦାନ କରିଛନ୍ତି। ବାଘଲଟି ଆରପାରିରେ ଥିବା ବଣିଆବସା, ବେହେରାପୁଟୁ, ଏଲଗଲ ଆଦି ଗ୍ରାମର ଜନସାଧାରଣ ଡ଼ଙ୍ଗା ସାହାଯ୍ୟରେ ଯାତାୟାତ କରିଥାନ୍ତି। ସେମାନଙ୍କ ନିକଟରେ ଥିବା ୨ ଡଙ୍ଗା ପାଇଁ ୧୦ ଲେଖାଏ ମୋଟ ୨୦ ଲାଇଫ୍ ଜାକେଟ ପ୍ରଦାନ କରାଯାଇଛି। ଏହାକୁ ନେଇ ଆଦିବାସୀମାନେ ଖୁସି ଥିବା ଜଣାପଡ଼ିଛି ା ଗତ କିଛି ଦିନ ପୂର୍ବେ ଡଙ୍ଗାରେ ଯାଉଥିବା ୪ ଜଣ ବର୍ଷା ଓ ଝଡ଼ ହେବା ଫଳରେ ଅଧାରେ ଅଟକି ଯାଇ ଜୀବନ ସହ ସଂଘର୍ଷ କରିଥିଲେ। ତେଣୁ ଏଭଳି ସ୍ଥଳେ ଏହି ଜାକେଟ ବହୁ ସହାୟକ ହେବ।
