ନୂଆଦିଲ୍ଲୀ, ୪।୮(ପି.ଟି.): ଶନିବାର ଫ୍ଲୋରିଡାରେ ଖେଳାଯାଇଥିବା ପ୍ରଥମ ଟି୨୦ ମ୍ୟାଚ୍ରେ ଓ୍ବେଷ୍ଟଇଣ୍ଡିଜକୁ ୪ ଉଇକେଟରେ ପରାସ୍ତ କରିବା ପରେ ଭାରତ ପାକିସ୍ତାନ ହାସଲ କରିଥିବା ଏକ ବିରଳ ବିଶ୍ୱ ରେକର୍ଡର ସମକକ୍ଷ ହୋଇଛି। ପୂର୍ବରୁ ପାକିସ୍ତାନ ଏକମାତ୍ର ଦଳ ଭାବେ ବିଦେଶ ମାଟିରେ ୫୦ଟି ଟି୨୦ ମ୍ୟାଚ୍ ଜିତି ବିଶ୍ୱ ରେକର୍ଡ ସ୍ଥାପନ କରିଥିଲା। ଭାରତ ମଧ୍ୟ ଏହି ବିଜୟ ସହ ବିଦେଶ ମାଟିରେ ତା’ର ୫୦ତମ ଟି୨୦ ମ୍ୟାଚ୍ ଜିତି ଏହି ବିଶ୍ୱ ରେକର୍ଡର ସମକକ୍ଷ ହୋଇଛି। ତେବେ ମୋଟ ଉପରେ ଦେଖିବାକୁ ଗଲେ ଭାରତ ଏପର୍ଯ୍ୟନ୍ତ ୧୧୬ଟି ମ୍ୟାଚ୍ ଖେଳି ୭୧ତମ ବିଜୟ ହାସଲ କରିଛି। ଭାରତର ସଫଳତା ହାର ୬୩.୨୭ ରହିଛି। ଟି୨୦ ଫର୍ମାଟରେ ସର୍ବାଧିକ ବିଜୟ ତାଲିକାରେ ଭାରତ ଦ୍ୱିତୀୟ ସ୍ଥାନରେ ରହିଛି। ତେବେ ପାକିସ୍ତାନ ୧୪୩ଟି ଟି୨୦ ଖେଳି ସର୍ବାଧିକ ୯୦ଟି ବିଜୟ ହାସଲ କରି ଶୀର୍ଷରେ ରହିଛି।
