ଖଇରା,୨୨।୫(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ଅର୍ଜୁନପୁର ଗ୍ରାମ ନିଟଟସ୍ଥ ଗୋରୁହାଟ ଚାଲୁଥିବା ଗ୍ରାମ୍ୟ ଜଙ୍ଗଲରୁ ନିକଟସ୍ଥ ଗ୍ରାମବାସୀମାନେ ବୁଧବାର ରାତିରେ ଶହ ଶହ ସଂଖ୍ୟାର ଗଛ କାଟି ନେଇଛନ୍ତି। ଯାହାର ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି କୁହାଯାଉଛି। ଗୁରୁବାର ପୁର୍ବାହ୍ନରେ ଖବର ପାଇ ଖଇରା ଅତିରିକ୍ତ ତହସିଲଦାର ବିଭାସ ରଞ୍ଜନ ପାଣିଗ୍ରାହୀ,ଡୁଙ୍ଗୁରା ରାଜସ୍ବ ନିରୀକ୍ଷକ ବସନ୍ତ ପାତ୍ର, ଖଇରା ରାଜସ୍ବ ନିରୀକ୍ଷକ କାଳିଚରଣ ମାଝୀ ପ୍ରମୁଖ ଘଟଣା ସ୍ଥଳକୁ ଯାଇ ୧୭ରୁ ଊର୍ଦ୍ଧ୍ୱ ଆକାଶିଆ ଗଛ ଜବତ କରି ତହସିଲକୁ ଆଣିଛନ୍ତି। ଝଡ ତୋଫାନକୁ ମଉକା କରି ଗ୍ରାମବାସୀ ମାନେ ବହୁ ସଂଖ୍ୟାରେ ଗଛ କାଟି ଘରକୁ ବୋହି ନେଇଥିଲେ। ଏ ସମ୍ପର୍କରେ ଖଇରା ଆରଆଇ କାଳିଚରଣ ମାଝୀଙ୍କୁ ପଚାରିବାରୁ ଗ୍ରାମବାସୀଙ୍କ ଠାରୁ ଲିଖିତ ଅଭିଯୋଗ ମିଳିବା ପରେ ଗ୍ରାମବାସୀ ମହଜୁଦ ରଖିଥିବା କାଠଗଣ୍ଡିକୁ ଜବତ କରାଯିବ ବୋଲି କହିଛନ୍ତି ା
