ନୂଆଦିଲ୍ଲୀ,୨୫।୧୦: ଜନନାୟକ ଜନତା ପାର୍ଟି(ଜେଜେପି) ନେତା ଦୁଷ୍ୟନ୍ତ ଚୌତାଲା ଶୁକ୍ରବାର ଏକ ଖବରଦାତା ସମ୍ମିଳନୀରେ ଯୋଗ ଦେଇ ହରିୟାଣାରେ ସରକାର ଗଠନକୁ ନେଇ କିଛି ମତ ରଖିଥିଲେ। ହରିୟାଣା ବିଧାନସଭା ନିର୍ବାଚନରେ ଜେଜେପି ତୃତୀୟ ନମ୍ବର ଦଳ ଭାବେ ଉଭା ହୋଇଛି। ଏବେ ସେଠାରେ ଭାଜପା କି କଂଗ୍ରେସ କାହାକୁ ସଂଖ୍ୟା ଗରିଷ୍ଠତା ନ ମିଳିବା ବେଳେ ଏମାନେ ସରକାର ଗଠନ ପାଇଁ ଜେଜେପି ବା ସ୍ବାଧିନ ପ୍ରାର୍ଥୀଙ୍କ ସହାୟତା ଲୋଡିଛନ୍ତି। ଏହାକୁ ଦୃଷ୍ଟିରେ ରଖି ଜେଜେପି ନେତା ଦୁଷ୍ୟନ୍ତ କହିଛନ୍ତି ଯେଉଁ ଦଳ ଆମ ସର୍ତ୍ତ ମାନିନେବ ଆମେ ତାକୁ ସହଯୋଗ କରିବୁ। ତାଙ୍କର କମନ ମିନିମମ ପ୍ରୋଗ୍ରାମରେ ସେ କହିଛନ୍ତି ହରିୟାଣାବାସୀଙ୍କ ପାଇଁ ଚାକିରି କ୍ଷେତ୍ରରେ ୭୫ ପ୍ରତିଶତ ସଂରକ୍ଷଣ ଓ ବାର୍ଦ୍ଧକ୍ୟ ଭତ୍ତା। ଏହାପରେ ଦୁଷ୍ୟନ୍ତଙ୍କ ଏହି ସର୍ତ୍ତର ଉତ୍ତର ରଖିଛନ୍ତି କଂଗ୍ରେସ ନେତା ଭୁପିନ୍ଦର ସିଂ ହୁଡ୍ଡା। ସେ କହିଛନ୍ତି, ଜେଜେପି ଯେଉଁ ସର୍ତ୍ତ ରଖିଛି ତାହା ପୂର୍ବରୁ କଂଗ୍ରେସ ତା’ର ଘୋଷଣା ପତ୍ରରେ ରଖିଛି। ତେଣୁ ଏବେ ଜେଜେପି କ’ଣ ନିଷ୍ପତ୍ତି ନେବ ତାହା ଦୁଷ୍ୟନ୍ତଙ୍କ ଉପରେ ନିର୍ଭର କରୁଛି।
