ନୂଆଦିଲ୍ଲୀ,୧୨।୨: ଦିଲ୍ଲୀ ବିଧାନସଭା ନିର୍ବାଚନରେ ଆମ ଆଦ୍ମୀ ପାର୍ଟି(ଏଏପି) ପୂର୍ଣ୍ଣ ବହୁମତରେ ସରକାର ଗଢିବାକୁ ଯାଉଛି। କଂଗ୍ରେସ ନେତ୍ରୀ ଶୀଲା ଦୀକ୍ଷିତଙ୍କ ପରେ କେଜ୍ରିଓ୍ବାଲ ଦ୍ୱିତୀୟ ମୁଖ୍ୟମନ୍ତ୍ରୀ ଭାବେ ଲଗାତର ୩ଥର ଏହି ପଦ ଅଳଙ୍କୃତ କରିବେ। ଯଦିଓ କେଜ୍ରିଓ୍ବାଲଙ୍କ କର୍ମଭୂମି ଦିଲ୍ଲୀ, କିନ୍ତୁ ସେ ହରିୟାଣାର ହିସାର ଜିଲାରେ ୧୯୬୮ ଅଗଷ୍ଟ ୧୬ରେ ଜନ୍ମଗ୍ରହଣ କରିଥିଲେ। ସେଦିନ ଥିଲା ଜନ୍ମାଷ୍ଟମୀ। ଘରେ ପୁଅଟିଏ ହେବାରୁ ସମସ୍ତଙ୍କ ମନରେ ଖୁସି ଥିଲା। ତେଣୁ ଶ୍ରଦ୍ଧାରେ ତାଙ୍କ ନାଁ କୃଷ୍ଣ ଦେଇଥିଲେ। ତିନି ଭାଇଭଉଣୀଙ୍କ ମଧ୍ୟରୁ କେଜ୍ରିଓ୍ବାଲ ବଡ ଥିଲେ। ପୁଣି ଦିଲ୍ଲୀ ମଙ୍ଗ ଧରିବା ପରେ ତାଙ୍କ ଜନ୍ମଭୂମି ହରିୟାଣାରେ ମଧ୍ୟ ଖୁସିର ମାହୋଲ ଖେଳିଯାଇଛି।
