ଅମରାବତୀ,୧୭।୧୦: ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଓ୍ବାଇ.ଏସ୍.ଜଗନମୋହନ ରେଡ୍ଡୀ ରାଜ୍ୟର ବୁଣାକାର-ଆଇନଜୀବୀ ଓ ଧୀବରଙ୍କ ଆର୍ଥିକ ବିକାଶ ପାଇଁ ନୂଆ ଯୋଜନା ପ୍ରଣୟନ କରିଛନ୍ତି। ଓ୍ବାଇଏସ୍ଆର୍ ନେତନ୍ନା ନେସ୍ତାମ୍ ଯୋଜନା ଅନ୍ତର୍ଗତ ବୁଣାକାରଙ୍କୁ ବର୍ଷକୁ ୨୪ ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରାଯିବ। ସେହିପରି ମାଛ ଧରିବା ଉପରେ ରୋକ ସମୟର କ୍ଷତି ପୂରଣ ପାଇଁ ଧୀବରଙ୍କୁ ବର୍ଷକୁ ୧୦ ହଜାର ଟଙ୍କା ଦିଆଯିବ। ଅପରପକ୍ଷରେ ରାଜ୍ୟର ଜୁନିଅର ଆଇନଜୀବୀଙ୍କୁ ମାସକୁ ୫ ହଜାର ଟଙ୍କାର ସହାୟତା ଯୋଗାଇ ଦିଆଯିବ। ଏହି ସହାୟତା ଡିସେମ୍ବର ୨୧ଠାରୁ ଦିଆଯିବ। ସୂଚନାଯୋଗ୍ୟ, ଏହା ପୂର୍ବରୁ ଜଗନମୋହନ ଅଟୋ ଓ ଟ୍ୟାକ୍ସି ଚାଳକଙ୍କ ପାଇଁ ୧୦ ହଜାର, ଚାଷୀଙ୍କ ପାଇଁ ଲକ୍ଷେ ୩୫ ହଜାର ଏବଂ ପିଲାଙ୍କୁ ସ୍କୁଲ ପଠାଉଥିବା ମା’ମାନଙ୍କ ପାଇଁ ୧୫ ହଜାର ଟଙ୍କାର ଆର୍ଥିକ ସହାୟତା ଘୋଷଣା କରିଥିଲେ। ଏହା ସହିତ ରାଜ୍ୟର ଗରିବଙ୍କ ପାଇଁ ୨୫ ଲକ୍ଷ ବାସଗୃହ ନିର୍ମାଣ କରିବାକୁ ନିଷ୍ପତ୍ତି ଗ୍ରହଣ କରିଛନ୍ତି।
