ତାଳଚେର, ୨୪ା୬(ନି.ପ୍ର.)- ସମଲ ଥାନା ଅଞ୍ଚଳର ଜଣେ ଦଶମ ଶ୍ରେଣୀ ଛାତ୍ରୀଙ୍କୁ ଅପହରଣ କରି ନିଆଯାଇଥିବା ଅଭିଯୋଗ ହୋଇଛି। ପୋଲିସ ନଂ. ୮୯/୧୯ରେ ଏକ ମାମଲା ରୁଜୁ କରିଛି। ଅଭିଯୋଗ ମୁତାବକ, ଗତ ୧୩ ତାରିଖରେ ଛାତ୍ରୀ ଜଣକ କେଉଁଆଡେ ନିଖୋଜ ହୋଇଯାଇଥିଲେ। ଘର ଲୋକେ ଖୋଜାଖୋଜି ପରେ କୌଣସି ସନ୍ଧାନ ପାଇ ନ ଥିଲେ। ୧୮ ତାରିଖ ସକାଳେ ଛାତ୍ରୀଙ୍କ ମା’ଙ୍କ ପାଖକୁ ୯୪୩୮୮୩୨୩୩୪ ଓ ୯୩୮୧୧୮୩୯୨୦ ନମ୍ବରରୁ କେହି ଫୋନ କଲ କରି ତାଙ୍କ ଝିଅଙ୍କୁ ଅପହରଣ କରିଥିବା କହିଥିଲେ। ଏଥିସହ ୨୦ ଲକ୍ଷ ଟଙ୍କା ନ ଦେଲେ ହତ୍ୟା କରିବାକୁ ଧମକ ମିଳିଥିବା ଅଭିଯୋଗରେ ଦର୍ଶାଯାଇଛି। ଏହା ପରେ ରବିବାର ଛାତ୍ରୀଙ୍କ ମା’ ସମଲ ଥାନାରେ ଅଭିଯୋଗ କରିଛନ୍ତି। ତେବେ ପୋଲିସ ଏଥିରେ ତତ୍ପରତା ଦେଖାଉ ନ ଥିବା ଅଭିଯୋଗ କରି ସୋମବାର ପୋଲିସ ଉଚ୍ଚ କର୍ତ୍ତୃପକ୍ଷଙ୍କୁ ଝିଅକୁ ଉଦ୍ଧାର କରିବାକୁ ନିବେଦନ କରିଛନ୍ତି। ଏ ସମ୍ପର୍କରେ ଆଇଆଇସି ସୁନୀଲ କର କହିଛନ୍ତି, ମାମଲା ରୁଜୁ କରାଯାଇ ତଦନ୍ତ ଚାଲଇଛି। ତଦନ୍ତ ପରେ ସତ୍ୟାସତ୍ୟ ଜଣାପଡିବ।
