ଘରକୁ ସୁନ୍ଦର କରିବା ପାଇଁ ଲୋକେ ନିଜ ଘରେ ବିଭିନ୍ନ ପ୍ରକାରର ସୁନ୍ଦର ଗଛମାନ ଲଗାଇଥାନ୍ତି। ହେଲେ ଆପଣ ଜାଣିଛନ୍ତି କି, ବାସ୍ତୁ ଶାସ୍ତ୍ର ଅନୁସାରେ ଏଭଳି ଏକ ଗଛ ଅଛି ଯେଉଁଥିରେ ଘରର ସୁନ୍ଦରତା ବଢ଼ିବା ସହ ଆର୍ଥିକସ୍ଥିତି ମଧ୍ୟ ସ୍ବଚ୍ଛଳ ହେବ। ଆଜ୍ଞା ହଁ ସେହି ଗଛଟି ହେଉଛି ‘ମନିପ୍ଲାଣ୍ଟ’। ତେବେ କେଉଁଭଳି ଉପାୟରେ ଆମେ ଏହି ଗଛରୁ ଲାଭ ଉଠାଇବା ସହ ନିଜର ଭାଗ୍ୟକୁ ମଧ୍ୟ ଚମକାଇପାରିବା ଆସନ୍ତୁ ଜାଣିବା।
* ମନିପ୍ଲାଣ୍ଟକୁ ସବୁବେଳେ ଘରର ଦକ୍ଷିଣ-ପୂର୍ବ କୋଣରେ ରଖିବା ଉଚିତ୍। ହିନ୍ଦୁ ଧର୍ମ ଶାସ୍ତ୍ର ଅନୁସାରେ ଦକ୍ଷିଣ-ପୂର୍ବ ଜୋନକୁ ଭଗବାନ ଗଣେଷଙ୍କ ସ୍ଥାନ ବୋଲି ବିଶ୍ୱାସ କରାଯାଇଥାଏ। ମନିପ୍ଲାଣ୍ଟର ଗଛକୁ ସୌଭାଗ୍ୟର ପ୍ରତୀକ ବୋଲି ଜଣାଯାଇଥାଏ। ତେଣୁ ଘରର ଏହି କୋଣରେ ଏହାକୁ ରଖିଲେ ବ୍ୟକ୍ତିଙ୍କ ଭାଗ୍ୟ ଚମକିଥାଏ ବୋଲି ବିଶ୍ୱାସ ରହିଛି।
* ଏହି ଗଛକୁ ଭୂଲରେ ବି ଉତ୍ତର-ପୂର୍ବରେ ରଖନ୍ତୁ ନାହିଁ। ଏହାଦ୍ୱାରା ସ୍ବାସ୍ଥ୍ୟ ଉପରେ ନକାରାତ୍ମକ ପ୍ରଭାବ ପଡ଼ିବା ସହ ଘରର ସଦସ୍ୟଙ୍କ ସବୁବେଳେ ଦେହ ଖରାପ ହୋଇଥାଏ।
* ଦମ୍ପତ୍ତିଙ୍କ ସମ୍ପର୍କ ମଧ୍ୟରେ ତିକ୍ତତା ରହିଯାଇଛି କି? ତେବେ ପ୍ରଥମେ ଆପଣଙ୍କ ଘରର ପଶ୍ଚିମ କିମ୍ବା ପୂର୍ବରେ ଥିବା ମନିପ୍ଲାଣ୍ଟକୁ ଏହି ଜୋନରୁ ହଟାଇ ଦିଅନ୍ତୁ। ଘରର ଏହି କୋଣରେ ମନିପ୍ଲାଣ୍ଟ ରଖିଲେ ମାନସିକ ଅଶାନ୍ତି ସହ ସମ୍ପର୍କରେ ତିକ୍ତତା ଆସିଥାଏ। ତେବେ ଘରର ଲୋକଙ୍କ ସମ୍ପର୍କରେ ସୁଧାର ଓ ମଧୁରତା ଆଣିବା ପାଇଁ ହାର୍ଟ ଶେପ୍ର ପତ୍ରକୁ ଆଣି ଘରେ ଲଗାନ୍ତୁ।
* ଆର୍ଥିକ ଅଭାବ ଅନାଟନ ଦୂର କରିବା ପାଇଁ ଟଙ୍କା ଶେପ୍ର ପତ୍ରକୁ ଦକ୍ଷିଣ-ପୂର୍ବ କୋଣରେ ଲଗାଇବା ଉଚିତ୍। ଏହା ଅପେକ୍ଷା କେବେ ବି ରବିବାର ଏହି ଗଛରେ ପାଣି ଦେବେ ନାହିଁ। ଯଦି ଦେବେ ତେବେ ପାଣିରେ ଏକ ଚାମଚ କ୍ଷୀର ପକାଇବା କୁ ଭୂଲିବେ ନାହିଁ। ଏଭଳି କଲେ ଘରେ ଖୁସି ଆସିବା ସହ ଟଙ୍କାର କେବେ ଅଭାବ ରହିବ ନାହିଁ।
* ଘରେ ଲାଗିଥିବା ମନିପ୍ଲାଣ୍ଟକୁ କେବେ ବି ମାଟି ଉପରେ ମାଡ଼ିବାକୁ ଦିଅନ୍ତୁ ନାହିଁ। ଏଭଳି ହେଲେ ଆପଣଙ୍କ ଧନ ଅନାବଶ୍ୟକ ଜିନିଷରେ ଖର୍ଚ୍ଚ ହେବ। ଧନକୁ ସଞ୍ଚିତ ରଖିବା ସହ ଘରେ ଖୁସି ଆଣିବା ପାଇଁ ମନିପ୍ଲାଣ୍ଟକୁ ଏକ ବାଡ଼ି ସାହଯ୍ୟରେ ଉପର ଆଡ଼କୁ ବାନ୍ଧି ଦିଅନ୍ତୁ। ଏଭଳି କଲେ ଆପଣଙ୍କ ଘର ଧନ ଓ ଐଶ୍ୱର୍ଯ୍ୟରେ ପରିପୂର୍ଣ୍ଣ ହୋଇଯିବ।