ଗଞ୍ଜାମ,୧୭।୧୨(ବିଦ୍ୟାଧର ସାହୁ): ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଧ ପଞ୍ଚାୟତ ଲକ୍ଷ୍ମୀପୁର ଗାଁରେ ବୁଧବାର ସକାଳେ ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା। ଗାଁ ମଝିରେ ରାସ୍ତା ଦେଇ ଯାଇଥିବା ବିଦ୍ୟୁତ ତାର ହଠାତ ଛିଣ୍ଡି ପଡିଥିଲା l ଫଳରେ ଘର ଆଗରେ ଜେଜେମା ଲକ୍ଷ୍ମୀ ରେଡି ନିଜ ନାତି ସହ ଠିଆ ହୋଇଥିବା ବେଳେ ୱାଇରୀ ଛିଣ୍ଡି ତଳେ ପଡି ଯାଇଥିଲା ଏବଂ ସେହି ୱାଇରୀ ବା ବିଦ୍ୟୁତ ତାରକୁ ଧରିବାକୁ ଯାଉଥିବାବେଳେ ଜେଜେମା ଦୌଡ଼ି ଆସି ନାତିକୁ ଟାଣି ଆଣିଥିଲେ l ଯାହା ଦ୍ୱାରା ଏକ ନିଶ୍ଚିତ ବଡ଼ ବିପଦରୁ ରକ୍ଷା ପାଇଥିଲେ ଜେଜେମା ଓ ନାତି l ତାର ଛିଣ୍ଡିଲା ବେଳେ ସେହି ଗ୍ରାମର ଏସ ଲଛ୍ମୀମି ରେଡି, ଜି ରାଜିଆମା ରେଡି ମଧ୍ୟ ସେଠାରେ ଛିଡା ହୋଇଥିଲେ।
ପ୍ରକାଶଯୋଗ୍ୟ, ଦୀର୍ଘବର୍ଷ ହେବ ଉକ୍ତ ବିଦ୍ୟୁତ ତାରଗୁଡିକ ମରାମତି ନକରିବା କାରଣରୁ ସେଗୁଡିକ କଳଙ୍କ ଲାଗିଯାଇଛି l ଏନେଇ ଗ୍ରାମବାସୀ ପକ୍ଷରୁ ବିଭାଗୀୟ ଅଧିକାରୀଙ୍କୁ ଅବଗତ କରାଯlଇଥିଲେ ମଧ୍ୟ ଏଯାବତ କୌଣସି ସୁଫଳ ମିଳିନାହିଁ l ଏହା ସହ ଗଞ୍ଜାମ ଥାନାକୁ ମଧ୍ୟ ଲିଖିତ ଅଭିଯୋଗ କରାଯାଇଥିବା ଲକ୍ଷ୍ମୀପୁର ଗ୍ରାମର ଏନ ଗଙ୍ଗାଧର ରେଡି ଗଣମାଧ୍ୟମକୁ ସୂଚନା ଦେଇଛନ୍ତି l
Dharitri – Odisha’s No.1 Odia Daily
