ଶ୍ରୀହରିକୋଟା,୯।୯: ଭାରତର ଗଗନୟାନ ମିଶନ ପାଇଁ ୧୦ ପାଇଲଟଙ୍କୁ ବାୟୁସେନା ଚୟନ କରିଛି। ଏହି ମିଶନ ଅନ୍ତର୍ଗତ ୩ ଜଣ ପାଇଲଟ ୭ ଦିନ ଧରି ମହାକାଶ ଯାତ୍ରା କରିବେ। ଚୟନ ହୋଇଥିବା ପାଇଲଟ ଆସନ୍ତା ନଭେମ୍ବର ପରେ ତାଲିମ୍ ପାଇଁ ରୁଷିଆ ଯିବାର କାର୍ଯ୍ୟକ୍ରମ ରହିଛି। ଇସ୍ରୋ ଏବଂ ବାୟୁସେନାର ମିଳିତ ସହଯୋଗରେ ଏହି ମିଶନ କାର୍ଯ୍ୟ କରିବ। ପାଇଲଟଙ୍କୁ ଶାରୀରିକ ଯାଞ୍ଚ୍, ପ୍ରୟୋଗଶାଳା ଯାଞ୍ଚ୍, ରେଡିଓଲୋଜିକାଲ୍ ଟେଷ୍ଟ୍, କ୍ଲିନିକାଲ୍ ଟେଷ୍ଟ୍ ଏବଂ ମନୋବୈଜ୍ଞାନିକ ଟେଷ୍ଟ୍ ଆଧାରରେ ଚୟନ କରାଯାଇଛି। ସୂଚନାଯୋଗ୍ୟ, ପ୍ରଥମେ ଏଥିପାଇଁ ଭାରତୀୟ ବାୟୁସେନା ୨୫ ଜଣ ପାଇଲଟ୍ଙ୍କୁ ଚୟନ କରିଥିଲା। ତେବେ ପ୍ରଥମ ପର୍ଯ୍ୟାୟ ପରୀକ୍ଷଣରେ ୧୦ ଜଣ ପାଇଲଟ ଚୟନ ହୋଇଛନ୍ତି। ଏହାପରେ ପରବର୍ତ୍ତୀ ପର୍ଯ୍ୟାୟ ପରୀକ୍ଷଣ କରାଯାଇ ଚୂଡ଼ାନ୍ତ ପର୍ଯ୍ୟାୟରେ ୩ ଜଣଙ୍କୁ ଚୟନ କରାଯିବ। ୨୦୨୨ରେ ସେମାନଙ୍କୁ ମହାକାଶ ଯାତ୍ରାରେ ପଠାଯିବ।
