ଖୁଲାସା ହେଲା ବୃହତ୍‌ ଇଚ୍ଛାକୃତ ଖିଲାପକାରୀଙ୍କ ନାମ

ମୁମ୍ବାଇ,୨୨-୧୧: ବ୍ୟାଙ୍କଗୁଡିକରୁ ବୃହତ୍‌ ପରିମାଣର ଋଣ ନେଇ ପଇଠ କରି ନ ଥିବା ବୃହତ୍‌ ଇଛାକୃତ ଖିଲାପକାରୀଙ୍କ ନାମକୁ ରିଜର୍ଭ ବ୍ୟାଙ୍କ ଶେଷରେ ଖୁଲାସା କରିଛି। ଏହି ବ୍ୟକ୍ତି ବିଶେଷଙ୍କ ନାମ ଘୋଷଣା କରିବାକୁ ସୁପ୍ରିମକୋର୍ଟ ରିଜର୍ଭ ବ୍ୟାଙ୍କୁ ନିର୍ଦ୍ଦେଶ ଦେବାର ୪ ବର୍ଷ ପରେ ଏନେଇ କେନ୍ଦ୍ରୀୟ ବ୍ୟାଙ୍କ ପଦକ୍ଷେପ ନେଇଛି। ଏକ ଜାତୀୟ ଗଣମାଧ୍ୟମ ପକ୍ଷରୁ ସୂଚନା ଅଧିକାର ଆଇନ(ଆର୍‌ଟିଆଇ)ରେ ମଗାଯାଇଥିବା ତଥ୍ୟ ଆଧାରରେ କେନ୍ଦ୍ରୀୟ ବ୍ୟାଙ୍କ ବଡ ଖିଲାପକାରୀଙ୍କ ନାମ ଦେଇଛି। ଏହି ତାଲିକାରେ ୩୦ ଜଣକ ନାମ ରହିଛି। ଏଭଳି ଖିଲାପକାରୀ ବ୍ୟକ୍ତିଙ୍କ ନାମ ପ୍ରଦାନ କରିବାକୁ ଗତ ୧୦ ବର୍ଷ ହେବ ଅନେକ ଆର୍‌ଟିଆଇ ଫାଇଲ କରାଯାଇଛି। ଦେଶର ଆର୍ଥତ୍କ ସ୍ବାର୍ଥରେ ଏହା ବାଧା ଉପୁଜାଇବ କହି ରିଜର୍ଭ ବ୍ୟାଙ୍କ ଏ ନେଇ ନାମକୁ ପ୍ରଘଟ କରି ନ ଥିଲା।
ରିଜର୍ଭ ବ୍ୟାଙ୍କ ଏମାନଙ୍କ ନାମ ଦେଇ ନ ଥିବାବେଳେ ବ୍ୟାଙ୍କଗୁଡିକଠାରୁ ଖିଲାପକାରୀଙ୍କ ସମ୍ପର୍କରେ ସୂଚନା ମିଳି ଯାଉଥିଲା। କାରଣ ବ୍ୟାଙ୍କଗୁଡ଼ିକ ଦେଇଥିବା ଅର୍ଥ ସେମାନେ ଫେରି ପାଇବାକୁ ଅସୁବିଧା ହେବାରୁ କିଏ କେତେ ପରିମାଣର ଋଣ ନେଇଛି ସେ ଉପରେ ସ୍ପଷ୍ଟ କରିଥିଲେ। ବ୍ୟାଙ୍କଗୁଡିକ ସେମାନଙ୍କ ଅର୍ଥ ଫେରି ପାଇବା ଲାଗି ଆଇନଗତ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରିଛନ୍ତି। ଏଭଳି ତଥ୍ୟ ସବୁକୁ ଟ୍ରାନ୍ସ ୟୁନିୟନ ସିବିଲ୍‌ ଏକତ୍ର କରିଥିବା ଜଣାପଡିଛି। ଏହି ୩୦ କମ୍ପାନୀ ମଧ୍ୟରେ ପଳାତକ ହୀରା ବ୍ୟବସାୟୀ ମେହୁଲ ଚୋକ୍‌ସୀଙ୍କ ଭଳି ବ୍ୟକ୍ତି ବିଶେଷ ରହିଛନ୍ତି। ଏହି ବ୍ୟକ୍ତି ବିଶେଷଙ୍କୁ ବ୍ୟାଙ୍କ ଦେଇଥିବା ପ୍ରାୟ ୫୦ ହଜାର କୋଟି ଟଙ୍କାର ଉର୍ଦ୍ଧ୍ୱ ଋଣ ଅର୍ଥକୁ ବ୍ୟାଙ୍କଗୁଡିକ ସେମାନଙ୍କ ବାଲାନ୍ସ ସିଟକୁ ବାଦ ଦେଇଛନ୍ତି ବା ଋଣ ରାଇଟ ଅଫ୍‌ କରାଯାଇଛି। ୨୦୧୮ ଡିସେମ୍ବର ୧୮ ସୁଦ୍ଧା ୧୧,୦୦୦ରୁ ଉର୍ଦ୍ଧ୍ୱ କମ୍ପାନୀ ୧.୬୧ ଲକ୍ଷ କୋଟି ଟଙ୍କା ଇଚ୍ଛାକୃତ ଭାବେ ଖିଲାପ କରିଥିବା ଟ୍ରାନ୍ସୟୁନିୟନ ସିବିଲ ତଥ୍ୟରୁ ସାମ୍ନାକୁ ଆସିଛି।
ଏହି ବ୍ୟକ୍ତି ବିଶେଷ ୫ କୋଟି ଟଙ୍କାରୁ ଉର୍ଦ୍ଧ୍ୱ ଋଣ ନେଇଛନ୍ତି। ଖିଲାପକାରୀଙ୍କ ଏହି ତଥ୍ୟକୁ ଆର୍‌ବିଆଇର ସେଣ୍ଟ୍ରାଲାଇଜ ସିଷ୍ଟମ ଡାଟା ବେସ୍‌ ଦ୍ୱାରା ପ୍ରକାଶ କରାଯାଇଛି। ସୂଚନା ମୁତାବକ ବୃହତ୍ତ ଖିଲାପକାରୀଙ୍କ ମଧ୍ୟରେ ଗୀତାଞ୍ଜଳୀ ଜେମସ୍‌ ଉପରେ ସର୍ବାଧିକ ୫୦୪୪ କୋଟି ଋଣ ରହିଛି। ସେହିଭଳି ରେଇ ଆଗ୍ରୋ ଲିମିଟେଡ ୪୧୯୭ କୋଟି, ଓ୍ବିନସମ ଡାଇମଣ୍ଡ ଆଣ୍ଡ ଜୁଏଲେରୀ ଊପରେ ୩୩୮୬ କୋଟି, ରୁଚି ସୋୟା ଲିମିଟେଡ ୩୨୨୫ କୋଟି, ରୋଟୋମାକ ଗ୍ଲୋବାଲ ୨୮୪୪ କୋଟି, କିଙ୍ଗଫିସର ୨୪୮୮ କୋଟି, କୁଡୁସ କେମି ଲିମିଟେଡ ୨୩୨୬ କୋଟି, ଜୁମ ଡେଭଲପର୍ସ ୨୦୨୪ କୋଟି, ଡେକାନ କ୍ରନିକଳ ହୋଲ୍ଡିଂ ୧୯୫୧ କୋଟି ଭଳି ଅନ୍ୟ କମ୍ପାନୀ ରହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଏଚ୍‌ଏମ୍‌ଏସ୍‌ଆଇର ନୂଆ ମାଇଲଖୁଣ୍ଟ

ଭୁବନେଶ୍ୱର,୨୯ା୩: ହୋଣ୍ଡା ମୋଟରସାଇକେଲ ଆଣ୍ଡ ସ୍କୁଟର ଇଣ୍ଡିଆ (ଏଚ୍‌ଏମ୍‌ଏସ୍‌ଆଇ) ଲିମିଟେଡ୍‌ ଘରୋଇ ବଜାର (ଭାରତ)ରେ ୬ କୋଟିରୁ ଅଧିକ ଗାଡ଼ି ବିକ୍ରିକରି ନୂଆ ମାଇଲଖୁଣ୍ଟ ହାସଲ...

ବଜାରରେ ନାଲ୍‌କୋର ନୂତନ ଉତ୍ପାଦ

ଭୁବନେଶ୍ୱର,୨୯ା୩ (ଅଭୟ ଦାଶ): ଦେଶର ପ୍ରମୁଖ ରାଷ୍ଟ୍ରାୟତ୍ତ ଉଦ୍ୟୋଗ ତଥା ଭାରତ ସରକାରଙ୍କ ଖଣି ମନ୍ତ୍ରଣାଳୟ ଅଧୀନ ନବରତ୍ନ କମ୍ପାନୀ ‘ନାଲ୍‌କୋ’ର ନୂତନ ଉତ୍ପାଦ ‘ଆଲୁମିନିୟମ...

ପହିଲାରେ ଜମାହେବନି ୨୦୦୦ ଟଙ୍କିଆ

ଭୁବନେଶ୍ୱର,୨୯।୩(ଅନୁରାଧା ମହାରଣା): ୨୦୨୪ ଏପ୍ରିଲ ୧ରୁ ନୂତନ ଆର୍ଥିକ ବର୍ଷ ଆରମ୍ଭ ହୋବକୁ ଯାଉଛି। ନୂତନ ଆର୍ଥିକ ବର୍ଷର ପ୍ରଥମ ଦିନରେ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)ର...

ଇପିଏଫ୍‌ଓରେ ଇ-କେୱାଇସି ବାଧ୍ୟତାମୂଳକ

ଭୁବନେଶ୍ୱର,୨୯।୩(ଅନୁରାଧା ମହାରଣା): କର୍ମଚାରୀ ଭବିଷ୍ୟନିଧି ସଙ୍ଗଠନ (ଇପିଏଫ୍‌ଓ)ରେ ସାରା ଦେଶରେ କୋଟି କୋଟି ସଂଖ୍ୟାରେ ଆକାଉଣ୍ଟଧାରୀ ଅଛନ୍ତି। ଗ୍ରାହକମାନଙ୍କ ପାଇଁ ଇପିଏଫ୍‌ଓ ପକ୍ଷରୁ ଇ-କେୱାଇସି ବାଧ୍ୟତାମୂଳକ...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଗ୍ରାହକଙ୍କୁ ଝଟ୍‌କା ଦେଲା SBI, ଏପ୍ରିଲ ପହିଲାରୁ…

ନୂଆଦିଲ୍ଲୀ,୨୮।୩: ଦେଶର ସର୍ବବୃହତ ସରକାରୀ ବ୍ୟାଙ୍କ ଷ୍ଟେଟ୍‌ ବ୍ୟାଙ୍କ ଅଫ୍‌ ଇଣ୍ଡିଆ ଏହାର ଗ୍ରାହକଙ୍କୁ ଦେଇଛି ବଡ଼ ଝଟ୍‌କା। ବ୍ୟାଙ୍କ ଡେବିଟ୍‌ କାର୍ଡ ଉପରେ ମେନ୍ଟେନାନ୍ସ...

ପଣ୍ୟ ପରିବହନରେ ପୂର୍ବତଟ ରେଳପଥର ରେକର୍ଡ

ଭୁବନେଶ୍ୱର,୨୮।୩(ଅନୁରାଧା ମହାରଣା): ଗତ ଆର୍ଥିକ ବର୍ଷ ଭଳି ଚଳିତ ଆର୍ଥିକ ବର୍ଷରେ ମଧ୍ୟ ପୂର୍ବତଟ ରେଳପଥ ପଣ୍ୟ ପରିବହନରେନୂତନ ରେକର୍ଡ ହାସଲ କରିଛି। ୨୦୨୩ ଏପ୍ରିଲ...

ଏପ୍ରିଲ ୩ ରୁ ପ୍ରଥମ ଏମ୍‌ପିସି ବୈଠକ

ଭୁବନେଶ୍ୱର,୨୮।୩(ଅନୁରାଧା ମହାରଣା): ୨୦୨୪-୨୫ ଆର୍ଥିକ ବର୍ଷର ପ୍ରଥମ ମୁଦ୍ରାନୀତି କମିଟି (ମନିଟାରି ପଲିସି କମିଟି ବା ଏମ୍‌ପିସି) ବୈଠକ ଏପ୍ରିଲ ୩ରୁ ଆରମ୍ଭ ହେବ ବୋଲି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri