ବେଲୋ ହରିଜଣ୍ଟେ,୧୭।୬(ଏଏଫ୍ପି)- ଲୁଇସ ସୁଆରେଜ ଓ ଇଡିନସନ କାଭାନିଙ୍କ ଗୋଲ ବଳରେ ଉରୁଗୁଏ ଦଳ କୋପା ଆମେରିକା ଫୁଟ୍ବଲ ଟୁର୍ନାମେଣ୍ଟରେ ବିଜୟ ସହ ଅଭିଯାନ ଆରମ୍ଭ କରିଛି। ଗ୍ରୁପ୍ ସି’ ମ୍ୟାଚ୍ରେ ଉରୁଗୁଏ ୧୦ ଜଣିଆ ଇକ୍ୱାଡରକୁ ୪-୦ ଗୋଲରେ ହରାଇ ଦେଇଛି। ବିଜୟୀ ଦଳ ପାଇଁ ୬ଷ୍ଠ ମିନିଟ୍ରେ ନିକୋଲାସ ଲୋଡିରୋ ପ୍ରଥମ ଗୋଲ କରିଥିଲେ। ତାଙ୍କ ପରେ କାଭାନି (୩୩ତମ ମିନିଟ୍) ଓ ସୁଆରେଜ (୪୪ତମ) ଗୋଲ ଦେଇଥିଲେ। ଫଳରେ ପ୍ରଥମାର୍ଦ୍ଧ ସୁଦ୍ଧା ଉରୁଗୁଏ ୩-୦ ଗୋଲରେ ଅଗ୍ରଣୀ ହାସଲ କରିଥିଲା। ଦ୍ୱିତୀୟାର୍ଦ୍ଧରେ ଇକ୍ୱାଡର ଆର୍ଟୁରୋ ମିନା ଏକ ଆତ୍ମଘାତି ଗୋଲ ଦେଇଥିଲେ। ପାରାଗୁଏ ଓ କାତାର ମଧ୍ୟରେ ଖେଳାଯାଇଥିବା ଗ୍ରୁପ୍ ବି’ର ଏକ ମ୍ୟାଚ୍ ୨-୨ ଗୋଲରେ ଅମୀମାଂସିତ ଭାବେ ଶେଷ ହୋଇଛି।
