ନୂଆଦିଲ୍ଲୀ,୨୧।୧୧: ଦିଲ୍ଲୀର ପାନୀୟ ଜଳ ବିଶୁଦ୍ଧ ନୁହେଁ। ଏହାକୁ ନେଇ କେନ୍ଦ୍ରମନ୍ତ୍ରୀ ରାମ ବିଳାଶ ପାଶଓ୍ବାନ ନିକଟରେ ଏକ ରିପୋର୍ଟ ପ୍ରଦାନ କହିଥିଲେ। ଯେଉଁଥିରେ ବିଶ୍ୱରେ ପ୍ରଦୂଷିତ ସହରର ପାଣି ମଧ୍ୟରେ ରାଜଧାନୀ ଦିଲ୍ଲୀ ଥିଲା ଏକ ନମ୍ବର। ହେଲେ ଏହାକୁ ଖଣ୍ଡନ କରିଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ। ସେ କହିଥିଲେ ଏହା ଆଦୌ ଠିକ୍ ନୁହେଁ। କାରଣ ସବୁ ଅଞ୍ଚଳର ପାଣି ବିଶୁଦ୍ଧ ନୁହେଁ ବୋଲି ଆମେ କହିପାରିବାନି। ଏହା ବ୍ୟତୀତ ପାଶଓ୍ବାନ କେଉଁ ଅଞ୍ଚଳର ପାଣିର ନମୁନା ସଂଗ୍ରହ କରିଛନ୍ତି ତାହା ମୋତେ ଜଣାନାହିଁ କିନ୍ତୁ ଦିଲ୍ଲୀର ସବୁ ଅଞ୍ଚଳର ପାଣି ଅଶୁଦ୍ଧ ନୁହେଁ। କେଜରିଓ୍ବାଲ ଏକପ୍ରକାର ପାଶଓ୍ବାନଙ୍କୁ ମିଛୁଆ ବୋଲି କହିଥିଲେ। ଏବେ ଏହାର ଜବାବ ଦେଇ ପାଶଓ୍ବାନ କହିଛନ୍ତି ମୁଁ ମିଛ କହୁନାହିଁ ବରଂ ଏକ ପ୍ରତିଷ୍ଠିତ ଅନୁଷ୍ଠାନ ବ୍ୟୁରୋ ଅଫ୍ ଇଣ୍ଡିଆନ୍ ଷ୍ଟାଣ୍ଡାର୍ଡସ୍ ଯେଉଁ ରିପୋର୍ଟ ଦେଇଛି ସେହି ଆଧାରରେ ମୁଁ ଏହା ପ୍ରକାଶ କରିଛି। ତେଣୁ କେଜରିଓ୍ବାଲ୍ ଯାହା ବୁଝିଛନ୍ତି ତାହା ଭୁଲ୍ ବୋଲି ପାଶଓ୍ବାନ୍ କହିଛନ୍ତି।
