ମୁମ୍ବାଇ: ବଲିଉଡ ଅଭିନେତ୍ରୀ କୃତି ଖରବନ୍ଦା ଏବେ ସୋସିଆଲ ମିଡିଆରେ ବେଶ୍ ସକ୍ରିୟ ଅଛନ୍ତି। ଗତ କିଛିଦିନ ତଳେ ସେ ତାଙ୍କ ବୟଫ୍ରେଣ୍ଡ ପୁଲକିତ ସମ୍ରାଟଙ୍କ ସହିତ ଏକ ଫଟୋ ଶେୟାର କରିଥିଲେ। ଯେଉଁଥିରେ ପୁଲକିତ ତାଙ୍କ ହେୟାର ଚମ୍ପି କରୁଥିଲେ। ଲକ୍ଡାଉନ୍ରେ ଫ୍ୟାନମାନଙ୍କ ମନୋରଞ୍ଜନ ପାଇଁ ଅଭିନେତା ଅଭିନେତ୍ରୀ ବିଭିନ୍ନ ପ୍ରୟାସ ଜାରି ରଖିଛନ୍ତି। କୃତି ହାଉସ୍ଫୁଲ୍-୪ର ଏକ ଭିଡିଓ କ୍ଲିପ୍ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ଶେୟାର କରିଛନ୍ତି। ଯେଉଁଥିରେ ସେ ଖଣ୍ଡାଚାଳନା କରୁଥିବା ନଜରକୁ ଆସିଛନ୍ତି। ଏହାକୁ ଶେୟାର କରି ସେ ଲେଖିଛନ୍ତି ଯେ, ବହୁତ ଲୋକ କହିଥିଲେ ଯେ, ଖଣ୍ଡାଚାଳନା କରିବା ମୋ ପକ୍ଷେ କଷ୍ଟସାଧ୍ୟ କିନ୍ତୁ ମୁଁ ସେମାନଙ୍କ କଥାକୁ ଭୁଲ୍ ପ୍ରମାଣିତ କରିଥିଲି। ତାଙ୍କର ଏହି ପୋଷ୍ଟରେ ଫିଲ୍ମର ନିର୍ଦ୍ଦେଶକ ଫରହଦ ଶାମଜୀ ଉଲ୍ଲେଖ କରିଛନ୍ତି ଯେ, ‘କୃତି ବହୁତ ବଳବାନ, ତାଙ୍କୁ ଅନ୍ୟ କାହା ସହିତ ତୁଳନା କରିବା କଥା ନୁହେଁ।’ ସେ ଏହି ମୁଭିର ପ୍ରତ୍ୟେକ ମୁହୂର୍ତ୍ତକୁ ମନେପକାଇ ଭାବୁକ ହୋଇପଡ଼ିଛନ୍ତି। କହିଛନ୍ତି ଯେ, ମୁଁ ହାଉସ୍ଫୁଲ୍ ସେଟ୍କୁ ମିସ୍ କରୁଛି। ଫ୍ୟାନମାନଙ୍କୁ କହିଛନ୍ତି, ରାଜକୁମାରୀ ମୀନାଙ୍କ ତରଫରୁ ଏହି ଭିଡଓ ଏକ ଛୋଟ ଉପହାର।
