ମୁମ୍ବାଇ,୨୩।୧୧: ମହାରାଷ୍ଟ୍ର ରାଜନୀତିରେ ଅଚାନକ ରାଜନୈତିକ ସମୀକରଣ ବଦଳି ଯାଇଛି। ପୁଣିଥରେ ଦେବେନ୍ଦ୍ର ଫଡ଼ନବିସ ମୁଖ୍ୟମନ୍ତ୍ରୀ ଡୋର ଧରିଛନ୍ତି। ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହଙ୍କ ମାଷ୍ଟର ଷ୍ଟ୍ରୋକ୍ କାମ ଦେଇଛି। ରାତିକ ମଧ୍ୟରେ ରାଜ୍ୟର ରାଜନୀତିରେ ବଡ଼ ଧରଣର ପରିବର୍ତ୍ତନ ଘଟିଛି। ପ୍ରଧାନମନ୍ତ୍ରୀଙ୍କୁ ଏନ୍ସିପି ମୁଖ୍ୟ ଶରଦ ପାଓ୍ବାର ସାକ୍ଷାତ୍ କରିବା ପରଠାରୁ କିଛି ଅପ୍ରତ୍ୟାଶିତ ରାଜନୈତିକ ଘଟଣାର ଆଶା କରାଯାଉଥିଲା। ଏହା ଶନିବାର ଦିନ ଘଟିଛି। ଶିବସେନା ହାତରୁ ମଉକା ଖସି ଯାଇଛି। ଉଦ୍ଧବ ଠାକ୍ରେଙ୍କ ୫୦-୫୦ ଫର୍ମୂଲା ଏବଂ ମୁଖ୍ୟମନ୍ତ୍ରୀ ପଦ ଲୋଭ ଯୋଗୁ ଦଳର କ୍ଷତି ହୋଇଛି। ଏହାକୁ ନେଇ ଆଗାମୀ ଦିନରେ ଶିବସେନାର ଫାଟ ହେବାର ଆଶଙ୍କା ରହିଥିବା କୁହାଯାଉଛି।
