ଆଜିକାଲି ସମୟରେ ସମସ୍ତଙ୍କ କ୍ଷେତ୍ରରେ ବଡ଼ ଫ୍ଲାଟ୍ କିମ୍ବା ବଗିଚା କରିବା ସମ୍ଭବ ନୁହେଁ। ତେଣୁ କମ୍ ବଜେଟ୍ ଆଉ ଅଳ୍ପ ସ୍ଥାନରେ ବି ଏକ ସୁନ୍ଦର ବଗିଚା କରିହେବ। ପରିବେଶ୍ବିତ୍ଙ୍କ ମତରେ ଡ୍ରଇଂ କିମ୍ବା ଡାଇନିଂ ରୁମ୍ରେ ମଧ୍ୟ ଆପଣ ଛୋଟ ବଗିଚାଟିଏ ତିଆରି କରିପାରିବେ। ଘର ଭିତରେ ଉଇଣ୍ଡୋ ଗାର୍ଡେନ୍, ଭର୍ଟିକାଲ୍ ଗାର୍ଡେନ ଏବଂ ଟେରେନିୟମ ଗାର୍ଡେନ ବି କରିପାରିବେ। ଯାହା ସୁସ୍ଥ ଏବଂ ସ୍ବଚ୍ଛ ବାତାବରଣ ସୃଷ୍ଟି କରିପାରିବ। ଘରେ ସବୁଜ ବଗିଚା ତିଆରି କଲେ ଖାଲି ସୁନ୍ଦର ଦେଖାଯାଏ ତା’ ନୁହେଁ, ଏହାର ସକାରାତ୍ମକ ପ୍ରଭାବ ମଧ୍ୟ ପକାଇଥାଏ। ଜାଣନ୍ତୁ ଏ ସମ୍ପର୍କରେ…
ଉଇଣ୍ଡୋ ଗାର୍ଡେନ:
ଉଇଣ୍ଡୋ ବା ଝରକାର ବାହାର ପଟେ ଗାର୍ଡେନ ପ୍ରସ୍ତୁତ କରିପାରିବେ। ଏହାର ବାହାରପଟ ଖିଡିକିରେ ମେଟାଲ କିମ୍ବା ସିମେଣ୍ଟ ବକ୍ସ ତିଆରି କରି ମାଟି, ଗୋବର, ଖତ ଆଦି ଦେଇ ବିଭିନ୍ନ ଗଛ ଲଗାଇପାରିବେ।
ଭର୍ଟିକାଲ ଗାର୍ଡେନ:
ଘରର ପାଚେରିରେ ଯେକୌଣସି ସୁନ୍ଦର ଗଛଲତା ମଡ଼ାଇ ପାରିବେ। ଯାହା ଖୁବ୍ ସୁନ୍ଦର ଦିଶିବ। ଏହା ସହିତ ପାଚେରି ଉପରେ ସିମେଣ୍ଟର କୁଣ୍ଡ ରଖି ବିଭିନ୍ନ ଫୁଲ ଯଥା କାକ୍ସ କମ୍ବୋ, କସ୍ମସ୍ ପିଟୁନିୟା, ବର୍ବିନା, ଝରବେରା ଆଦି ପ୍ଲାଣ୍ଟ ଲଗାଇ ପାରିବେ।
ଟେରେନିୟମ ଗାର୍ଡେନ:
ଡ୍ରଇଂ କିମ୍ବା ଡାଇନିଂ ରୁମ୍ରେ ଟେରେନିୟମ ଗାର୍ଡେନ ପ୍ରସ୍ତୁତ କରିପାରିବେ। କାଚପାତ୍ରରେ ବିଭିନ୍ନ ରଙ୍ଗର ଫୁଲ ଗଛ ଲଗାଇ ଘରର ସୌନ୍ଦର୍ଯ୍ୟ ବୃଦ୍ଧି କରିବା ସହିତ ଏକ ସୁସ୍ଥ ବାତାବରଣରେ ରହିପାରିବେ। ଯାହା ମନକୁ ଅପୂର୍ବ ଶାନ୍ତି ପ୍ରଦାନ କରିବ।
