ମୁମ୍ବାଇ,୨୯-୧୦: ତାମିଲନାଡୁ ଭିତ୍ତିକ ଲକ୍ଷ୍ମୀ ବିଳାସ ବ୍ୟାଙ୍କ(ଏଲ୍ଭିବି)ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ତଥା ପରିଚାଳନା ନିର୍ଦ୍ଦେଶକ ପଦବୀ ଲାଗି ୭୦ ବରିଷ୍ଠ ବ୍ୟାଙ୍କ ଅଧିକାରୀ ଦୌଡରେ ଅଛନ୍ତି। ଏହା ଏକ ମଧ୍ୟମ ବର୍ଗ ଘରୋଇ ବ୍ୟାଙ୍କ ହୋଇଥିବା ବେଳେ ଚଳିତ ବର୍ଷ ସେପ୍ଟେମ୍ବର ମଧ୍ୟ ଭାଗରୁ ଏହାର ସିଇଓ ପଦବୀ ଖାଲି ପଡିଛି। ସିଇଓ ଭାବେ କାର୍ଯ୍ୟ କରୁଥିବା ପାର୍ଥ ସାରଥୀ ବାନାର୍ଜୀ ତାଙ୍କର ୩ ବର୍ଷ କାର୍ଯ୍ୟ ଅବଧି ଶେଷ ହେବା ଆଗରୁ ବ୍ୟାଙ୍କ ଛାଡିବା ପରେ ଖାଲି ସ୍ଥାନରେ ଏଯାଏ କୌଣସି ନିଯୁକ୍ତି ହୋଇ ନାହିଁ। ଚଳିତ ବର୍ଷ ଅଗଷ୍ଟଠାରୁ ରିଜର୍ଭ ବ୍ୟାଙ୍କ ଉକ୍ତ ବ୍ୟାଙ୍କ ଉପରେ ପ୍ରମ୍ପଟ କରେକ୍ଟିଭ ଆକ୍ସନ କଟକଣା ଲଗାଇଛି। ଅତ୍ୟଧିକ କ୍ଷତି, ଏନ୍ପିଏ ଏବଂ ପୁଞ୍ଜି ନିୟମକୁ ଧ୍ୟାନରେ ରଖି ଏଭଳି କଟକଣା ଜାରି ହୋଇଛି। ସିଇଓ ପଦବୀ ଲାଗି ୬୮ ଆବେଦନ ଆସିଥିବା ପ୍ରକ୍ରିୟା ସହ ଜଡିତ ଜଣେ ଅଧିକାରୀ କହିଛନ୍ତି। ଘରୋଇ କ୍ଷେତ୍ର ବରିଷ୍ଠ ଅଧିକାରୀମାନେ ଏଥି ଲାଗି ଆବେଦନ କରିଥିବା ଜଣା ପଡିଛି।
