ଆଜିର ଅତ୍ୟାଧୁନିକ ସମୟରେ ଡିଜିଟାଲ ନେଣଦେଣ ଜନଆଦୃତି ଲାଭ କଲାଣି। ବିଶେଷକରି ଏଟିଏମ୍ର ବ୍ୟବହାର ଦିନକୁ ଦିନ ବଢ଼ୁଛି। ଏହାଦ୍ୱାରା ଦରକାର ସମୟରେ ଟଙ୍କା ଉଠାଯାଇପାରୁଛି। ହେଲେ ବେଳେବେଳେ ଏଟିଏମ୍ରୁ ଟଙ୍କା ଉଠାଇବା ବେଳେ ନକଲି ନୋଟ ବାହାରିଥାଏ। ଏହାକୁ ନେଇ ଅନେକ ଚିନ୍ତାରେ ପଡ଼ନ୍ତି। କ’ଣ କରିବେ, ଟଙ୍କା ବ୍ୟାଙ୍କ ନେବ କି ନାହିଁ ଆଦି ଅନେକ କଥା ସେ ଭାବନ୍ତି। ଯଦି କେବେ ସେଭଳି ହୁଏ ତେବେ ଏସବୁ ଦିଗ ପ୍ରତି ଧ୍ୟାନ ଦେଇପାରନ୍ତି। ଫଳରେ ସୁବିଧାରେ ବ୍ୟାଙ୍କ ଆପଣଙ୍କୁ ଟଙ୍କା ଫେରସ୍ତ କରିପାରେ।
ଆର୍ବିଆଇ ଗାଇଡ୍ଲାଇନ୍ ଅନୁଯାୟୀ, ଏଟିଏମ୍ରୁ ନକଲି ନୋଟ ବାହାରିବା ବ୍ୟାଙ୍କର ଭୁଲ୍। କାରଣ ଏଟିଏମ୍ରେ ନୋଟ ଭର୍ତ୍ତି କରାଯିବା ଆଗରୁ ଏହାର ଯାଞ୍ଚ ହୋଇଥାଏ। ଏପରିସ୍ଥଳେ ନକଲି ନୋଟ୍ ବାହାରିଲେ ଗ୍ରାହକଙ୍କୁ ବ୍ୟାଙ୍କ ଉକ୍ତ ଟଙ୍କା ଫେରସ୍ତ କରାଯାଇଥାଏ। ହେଲେ ଏଥିପାଇଁ ବ୍ୟାଙ୍କ ଯିବାକୁ ପଡ଼ିବ।
କରିବେ କ’ଣ:
-ଏଟିଏମ୍ରୁ ନକଲି ନୋଟ ବାହାରିଲେ ପ୍ରଥମେ ତାକୁ ସେଠାରେ ଥିବା ସିସିଟିଭିରେ ଦେଖାନ୍ତୁ। ଏହା ପ୍ରଥମ ପ୍ରମାଣ।
-ସେଠାରେ ଥିବା ଗାର୍ଡ(ସୁରକ୍ଷାକର୍ମୀ)ଙ୍କୁ ଏ ବିଷୟରେ ଜଣାଇପାରିବେ।
-ଟଙ୍କା ନେଣଦେଣର ସ୍ଲିପ୍କୁ ଯତ୍ନରେ ରଖିବେ।
-ଏଟିଏମ୍ରୁ ଥାଇ ବ୍ୟାଙ୍କକୁ ଫୋନ୍ କରି ଏ ବିଷୟରେ ଜଣାନ୍ତୁ। ଫଳରେ ଆପଣ କେଉଁ ଅଞ୍ଚଳରୁ/ଏଟିଏମ୍ରୁ କଥା ହେଉଛନ୍ତି ସେମାନେ ଜାଣିପାରିବେ।
-ବ୍ୟାଙ୍କ ଯାଇ ନକଲି ନୋଟ ଦିଅନ୍ତୁ।
-ପ୍ରମାଣ ହୋଇଯିବା ପରେ ଆପଣଙ୍କୁ ଟଙ୍କା ଫେରସ୍ତ ମିଳିଯିବ।
