ଫତେହାବାଦ,୧୪।୧୧: ହରିୟାଣା ଟିଚର ଇଲିଜିବିଲିଟି ଟେଷ୍ଟ(ଏଚ୍ଟିଇଟି) ପରୀକ୍ଷାରେ ମହିଳାମାନେ ବିନ୍ଦି ଓ ସିନ୍ଦୁର ପିନ୍ଧି ପାରିବେ ବୋଲି ବୁଧବାର ଫତେହାବାଦ ଡେପୁଟି କମିଶନର ଧିରେନ୍ଦ୍ର ଖରାଗ ଘୋଷଣା କରିଛନ୍ତି। ପୂର୍ବରୁ ମହିଳାମାନଙ୍କୁ ଏସବୁ ବାରଣ କରାଯାଇଥିବା ବେଳେ ଏବେ ପୂର୍ବଭଳି ମୁଦି, ଚେନ୍ ଓ କାନଫୁଲ ପିନ୍ଧିବାକୁ ବାରଣ କରାଯାଇଛି। ହେଲେ ବିନ୍ଦି ଓ ସିନ୍ଦୁର ପିନ୍ଧିବାକୁ ଅନୁମତି ମିଳିଛି। ଚଳିତ ଥର ପ୍ରାୟ ୧୦,୮୦୮ଜଣ ପରୀକ୍ଷାର୍ଥୀ ରହିଥିବା ବେଳେ ହରିୟାଣା ସ୍କୁଲ ଏଜୁକେଶନ ବୋର୍ଡ ଦ୍ୱାରା ଭିଓ୍ବାନିରେ ଏହା ୧୬ ଓ ୧୭ ତାରିଖରେ ଅନୁଷ୍ଠିତ ହେବ। ଏଥିପାଇଁ ସ୍ବତନ୍ତ୍ର ବସ୍ ଚଳାଚଳର ବ୍ୟବସ୍ଥା କରାଯାଇଥିବା କୁହାଯାଏ।
