ନୂଆଦିଲ୍ଲୀ,୨୪ା୪: ଭାଜପା ମଙ୍ଗଳବାର ଗାୟକ ହଂସରାଜ ହଂସଙ୍କୁ ଉତ୍ତର-ପଶ୍ଚିମ ଦିଲ୍ଲୀ ଲୋକ ସଭା ଆସନରୁ ପ୍ରାର୍ଥୀ କରିଛି। ଏଥର ଏହି ଆସନ ପାଇଁ ବର୍ତ୍ତମାନର ସାଂସଦ ଉଦିତ ରାଜଙ୍କୁ ବାଦ୍ ଦିଆଯାଇଛି। ହଂସରାଜ ଉକ୍ତ ଆସନର କଂଗ୍ରେସ ପ୍ରାର୍ଥୀ ରାଜେଶ ଲିଲୋଥିଆ ଏବଂ ଏଏପିର ଗୁଗନ ସିଂଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରିବେ। ନରେନ୍ଦ୍ର ମୋଦି ଏବଂ ଅମିତ ଶାହଙ୍କ ମାର୍ଗଦର୍ଶନରେ ସେ ସାଧୁତା ଓ ଶ୍ରଦ୍ଧାର ସହିତ ଦେଶବାସୀଙ୍କ ସେବା କରିବେ ବୋଲି ହଂସରାଜ ଟୁଇଟ୍ କରିଛନ୍ତି।
ଅନ୍ୟପକ୍ଷରେ ଭାରତୀୟ ରାଜସ୍ବ ସେବାର ପୂର୍ବତନ ଅଧିକାରୀ ଉଦିତ ରାଜ ନିଜ ପଦବୀରୁ ଇସ୍ତଫା ଦେଇ ୨୦୦୩ରେ ଇଣ୍ଡିଆନ ଜଷ୍ଟିସ ପାର୍ଟି ଗଠନ କରିଥିଲେ। ୨୦୧୪ରେ ସେ ଭାରତୀୟ ଜନତା ପାର୍ଟି ସହିତ ନିଜ ଦଳକୁ ମିଶାଇ ଦେଇଥିଲେ। ସେହିବର୍ଷ ଲୋକ ସଭା ନିର୍ବାଚନରେ ଭାଜପା ଟିକେଟରେ ପ୍ରାର୍ଥୀ ହୋଇ ସେ ବିଜୟୀ ହୋଇଥିଲେ। ତାଙ୍କୁ ଏଥର ଟିକେଟ ନ ମିଳିଲେ ସେ ଦଳ ଛାଡି ସ୍ବାଧୀନ ପ୍ରାର୍ଥୀ ଭାବେ ପ୍ରତିଦ୍ୱନ୍ଦ୍ୱିତା କରିବେ ବୋଲି ଧମକ ଦେଇଛନ୍ତି।
